भांगरभूंय | प्रतिनिधी
पणजीः वैचारीक दिश्टीन आपूण लोकसभा वेंचणुकेंत भाजपा वांगडा आसा. प्रधानमंत्री नरेंद्र मोदी हांचें फाटल्या 10 वर्सांतलें काम लोकां मुखार आसा. हेंच सरकार परतून सत्तेर येतलें, अशें उत्पल पर्रीकार हांणी सांगलें.
लोकसभा वेंचणूक राष्ट्रीय विशयांचेर लडयतात. फाटल्या 10 वर्सांत भारतांत जाल्ली साधन सुविधा आनी हेर मळां वयली उदरगत लोकांनी पळयल्या. दुसरे वटेन विरोधकांनी आपलो उमेदवार लेगीत जाहीर करूंक ना. लोक ह्याच सरकारा वांगडा रावतले, अशें आपल्याक दिसता. वैचारीत दिश्टीन आपूण भाजपा वांगडा आसा आनी पयलींय आशिल्लों. हें आपणें हे आदीं कितलेशेच खेपे सांगलां, अशें उत्पलान सांगलें. भाजपाचो उत्तर गोंयचो उमेदवार श्रीपाद नायक हांचे वांगडा प्रचार करप काय ना तें अजून थारावंक ना. जेन्ना भाजपाक आपलो तेंको जाय पडटलो, तेन्नाच हे संबंदांत आपूण निर्णय घेतलों, अशेंय उत्पल हांणी स्पश्ट केलें.
दक्षिणेंत महिला उमेदवार ठळक निर्णय
बायलांक 33 टक्के राजकी आरक्षण दितले, अशें मोदी सरकारान जाहीर केल्लें. ताची अंमलबजावणी जावचे आदींच हे वेंचणुकेंत दक्षीण गोंयांत महिला उमेदवार दिवप हो ठळक निर्णय. पल्लवी धेंपे वरीच परराष्ट्र मंत्री एस. जयशंकर कॅडरा भायले. मदींच महिला उमेदवार धोशीत जाल्ल्या कारणान कॅडरा भायल्यांक उमेदवारी मेळप सभावीक, अशें उत्पल पर्रीकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
