भांगरभूंय | प्रतिनिधी
वाडट्या गर्मेच्या ल्हाराक लागून मुंबय जायत्या सवण्यांक आनी जनावरांक फटको बसला. एक एप्रील ते आतां मेरेन शंबरा वयर सवण्यांक आनी जनावरांक गर्मेचो त्रास जाला. मुंबय दिसाक 10 सवण्यांक उपचारा खातीर हॉस्पिटलांत व्हरतात. उदकाच्या उणावांक लागून झाडा वयल्यान वा उडटना सवणीं जमनीर पडटात. हांतूंत तांकां दुखापत जाता.
मुंबय सयत गोंयांत लेगीत गर्मेचें ल्हार वाडलां. हांचो त्रास गोंयच्याय सवण्यांक ,जनावरांक जावपाक लागला. थंडेच्या दिसांत, देश- विदेशांतल्यांन गोंयांत आयिल्या सवण्यांनी हवामानात बदल जाल्ल्यान परत वचपाक सुरवात केल्या. गर्मेच्या दिसांनी उदकाचो स्रोत आसता थंय सवणीं चड पळोवपाक मेळटात. थंडेच्या दिसांनी खूबशीं सवणी एक्टीव्ह आसतात. पूण गर्मेच्या दिसांनी सकाळचीं साडेधा इकरा मेरेन सवण्यांचो आवाज कमी आयकुपाक येता. तशींच सवणीं थंडाय सोदपाचो यत्न करतात.
अश्या वेळार सवण्यांची जतनाय घेवपाक कितें करचें ?
सवण्यांक गर्मेचो त्रास जावचो न्हीं हांची जतनाय दरएकल्यान घेतल्यार चड बरें अशीं म्हायती पक्षी तज्ञ पराग रांगणेकार हांणी भांगरभूंय कडेन उलयतना दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
