भांगरभूंय | प्रतिनिधी
पणजी, बातमीदार: गोंयच्या दोनूय मतदारसंघांनी सोमारा २,३१२ जाणांनी पोस्टल बॅलेट पद्धतीन मतदान केलें. हातूंत उत्तर गोंयांत १,०४१ जाल्यार दक्षीण गोंयांत १२७१ मतदारांचो आसपाव आसा. वेंचणूक आयोगान ८५ पिराये वयल्या मतदार, दिव्यांग मतदार तशेंच गरजेची सेवा करपी मतदारां खातीर पोस्टल बॅलेट मतदानाची सुविधा उपलब्ध केल्या.
गोंयाञत सोमारा जाल्ल्या वट्ट २,३१२ मतदारांनी पोस्टल मतदानांत ८५ वर्सां पिराये वयल्या १,५४८ जाल्यार ७६४ दिव्यांग मतदारांचो आसपाव आसा. उत्तर गोंयांत ८५ पिराये वयल्या ७४१ मतदारांनी जाल्यार दक्षीण गोंयांत ८०७ मतदारांनी मतदान केलें. वेंचणूक आयोगाचे कर्मचार्यांनी ह्या मतदारांच्या घरा वचून तांचें मत घेतलें. तशेंच उत्तर गोंयच्या ३०० आनी दक्षीणेंतल्या ४६४ दिव्यांग मतदारांनी पोस्टल बॅलेट पद्धतीन मतदान केलें.
वेंचणूक आयोगान दिव्यांग, ८५ वर्सां पिराये वयल्या, गरजेची सेवा दिवपी कर्मचारी तशेंच वेंचणूक ड्युटीचेर आशिल्ल्या कर्मचार्यां खातीर २९ एप्रील ते ३ मे मजगतीं पोस्टल बॅलेट मतदानाची सुविधा उपलब्ध करून दिल्या. ते प्रमाण उत्तर आनी दक्षीण गोंयांत विशेश केंद्रां उबारल्यांत. जाल्यार ८५ वर्सां वयल्या मतदारांच्या घरा वचून मत घेवपाची सुविधाय उपलब्ध करून दिल्या. येवपी चार दिसांनी पोस्टल बॅलेट मतदानाची टक्केवारी वाडपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
