भांगरभूंय | प्रतिनिधी
पणजी, बातमीदार : गोंयांत फाटल्या दोन दिसां सावन आशिल्ल्या दमट वातावरणाक लागून उश्णताय सोंसपा भायली जाल्या. मंगळारा पणजे चडांत चड ३४.४ अंश जाल्यार मुरगांवां ३४.१ अंश सेल्सिअस तापमानाची नोंद जाली. हवामान खात्यान आयज आनी फाटल्यां वातावरण उश्ण आनी दमट उरपाची शक्यताय उक्तायल्या. सोमारा राज्यांतल्या विवीध भागांत ३३ ते ३५ अंश सेल्सिअस कमाल तापमानाची नोंद जाली.
फुडले सात दीस चडांत चड तापमान ३३ ते ३५ अंश सेल्सिअस मजगतीं उरपाची शक्यताय हवामान खात्यान उक्तायल्या. आयज पणजे सयत कांय वाठारांनी दमट आसली. मात दनपरां खर वत पडलें. ताका लागून उण्णताय वाडिल्ली. हवामान खात्यान फाटल्यांय दमट आसतली अशी शक्यताय उक्तायल्या. फुले दोन दीस चडांत चड तामानांत व्हड बदल जावपाची शक्यताय नाशिल्ल्याचें खात्यान स्पश्ट केलें.
३० एप्रील ते ६ मे मजगतीं आर्द्रताय (ओलसाण) ८० ते ९० टक्क्यां मेरेन उरपाची शक्यताय उक्तायल्या. ह्या काळांत वातावरण दमट रावपाची शक्यताय आसा. जाल्यार फुडले सात दीस हिट इंडेक्स म्हळ्यार जाणवपी तापमान ४० अंश सेल्सिअसा परस उणें रावपाची शक्यताय खात्यान उक्तायल्या. फाटल्या चोवीस वरांनी पणजे उण्यात उणें तापमानूय वाडलां. पणजे उण्यात उणें तापमान १ अंशान वाडून २७.४ अंश सेल्सिअस जाल्लें. जाल्यार मुरगांवां उण्यांत उणें २७.३ अंश सेल्सिअस तापमानाची नोंद जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
