भांगरभूंय | प्रतिनिधी
विरियातो फर्नांडीसः केपें पालिका वाठारांत प्रचार
भांगरभूंय । प्रतिनिधी
केपें: लोकशायेंत लोकूच दाखोवन दितले, लोकशक्ती ही पयशां परस व्हड आसा. केपें मतदारसंघांत भोंवतना लोकांनी दिल्लो तेंको, मोग हाका लागून उमेद आनीक वाडल्या. दक्षीण गोंयांत काँग्रेस आघाडीच जिखतली, असो विस्वास दक्षीण गोंय मतदारसंघाचे काँग्रेस उमेदवार कॅ. विरियातो फर्नांडीस हांणी उक्तायलो.
विरियातो फर्नांडीस हांणी केपें पालिका वाठारांत प्रचाराक सुरवात केल्या. ह्या वेळार आमदार एल्टन डिकोस्टा, आदले नगराध्यक्ष तशेंच सध्याचे पंच फिलू डिकोस्टा, आलिडा लासेन्डा, जाकीना डायस, लुईस फर्नांडीस, अवधूत आमोणकार, चेतन नायक, जगदीश गवळी, वल्लभ प्रभुदेसाय, दामू अंजखाने आनी हेर कार्यकर्ते हाजीर आशिल्ले. पालिका वाठारांतल्या लोकां कडेन संपर्क करतना उमेदवार फर्नांडीस हांणी संवाद सादलो आनी समस्या समजून घेतल्यो. केपेंचे लोक हुशार, हें तांणी 2022 त दाखोवन दिल्लें. पयसो, मसल पावर आनी हुकूमशाय चलना. केपेंचे मतदार काँग्रेसी वांगडा आसा. दक्षीण गोंयांत काँग्रेसीचो उमेदवार व्हड आघाडी घेवन जिखून येतलो, अशें एल्टन हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
