भांगरभूंय | प्रतिनिधी
कला अकादमी आयोजीत 48 वे कोंकणी नाटक सर्तीचो निकाल जाहीर
पणजीः कला अकादमी आयोजीत 48 व्या कोंकणी नाटक सर्तीचो निकाल जाहीर केला. भोमा- फोंडेंच्या युवा एकवट संस्थेन सादर केल्ल्या ‘रंगखेव’ नाटकाक पयलें जाल्यार पिळगांव- दिवचलचे सीयावर राम संस्थेच्या ‘ तो आनी दोन पिशे’ नाटकाक दुसरें इनाम फावो जालें. श्री सांतेरी कला मंच, मोर्ले सत्तरी हांच्या ‘निमणो पेलो’ नाटकाक तिसरें इनाम फावो जालां. तेच प्रमाण रसरंग उगवें- पेडणें हांच्या ‘हयवदन’ नाटकाक आनी नटरंग क्रिएशन्स नार्वें- दिवचल संस्थेच्या ‘द ट्रॅप’ नाटकाक उमेद वाडोवपी इनामां फावो जालां.
उत्कृश्ट दिग्दर्शनाचें पयलें इनाम शेफाली संदीप नायक (रंगखेव), दुसरें अश्वेश गिमोणकार (तो आनी दोन पिशे) आनी तिसरें इनाम वैभव नायक (निमणो पेलो) हांकां फावो जालें.
दादल्यांच्या गटांत अभिनया खातीर संघर्ष वळवयकार (पिरू – तो आनी दोन पिशें) हांकां पयलें आनी सौरभ कारखानीस (मार्टीन- निमणो पेलो) हांकां दुसरें इनाम फावो जालें. अभिनया खातीरची प्रशस्तीपत्रां सत्यजीत मुळी (म्हालबाप्पा) काळमाया- रघुनाथ साकोर्डेंकार (प्रि. काळे. कर्मभोग), मयूर मयेंकार (कपील- हयवदन), मिलिंद बर्वे (श्रीधर कुलकर्णी) ‘द ट्रप’, वैभव कवळेंकार (नील- रंगखेव), कन्हैया नायक (बिरसा मुंडा- मुळवंस) आनी आशिष दामोदर गांवस (देवचार- धनया देवचारा) हांकां मेळ्ळीं.
बायलांच्या गटांत वैयक्तीक अभिनया खातीर पयलें इनाम शेफाली नायक (सायली- रंगखेव) आनी दुसरें इनाम समिक्षा देसाय (पद्मिनी. हयवदन) हाका जाहीर जालें. अभिनया खातीर प्रशस्तीपत्रां वैष्णवी पै काकोडे (ज्योती प्रभुदेसाय. कन्यादान), सोबिता कुडतरकार (अपुरबाय. तीन पयशांचो तियात्र), ममता पार्सेकार ‘मॅरी’ (निमणो पेलो), वेदिका वाळके ‘अॅना’ (निमणो पेलो), रविना शेट ‘माणीक’, कासाळी आनी घोसाळी ‘लक्ष्मी’ सातोर्डेंकार -बायल, (सगळी रात) आनी हर्षला पाटील (समिक्षा. द बर्थ ऑफ डॅथ) हांकां फावो जालीं.
उत्कृश्ट नेपथ्या खातीरचें इनाम ‘रंगखेव’ नाटका खातीर राजन नायक हांकां फावो जालें, जाल्यार ‘द ट्रॅप’ नाटका खातीर शाम शेट गांवकार हाका प्रशस्तीपत्र जाहीर जालें. ‘निमणो पेलो’ नाटकांतल्या वेशभुशे खातीर आलिशा मिनेझीस हाका पयलें जाल्यार समिक्षा सावंत हाका ‘मुळवंस’ नाटका खातीर प्रशस्तीपत्र फावो जालें. उजवाड येवजणेचें पयलें इनाम अश्वेश गिमोणकार हाका ‘तो आनी दोन पिशे’ ह्या नाटका खातीर प्रशस्तीपत्र दिले. जाल्यार अमिता नायक हाका ‘हयवदन’ नाटका खातीर प्रशस्तीपत्र फावो जालें. पार्श्वसंगिता खातीरचें पयलें इनाम ओंकार नागेशकार हाका ‘तो आनी दोन पिशे’ नाटका खातीर जाल्यार ‘रंगखेव’ नाटका खातीर दीप्तेश नायक हाका प्रशस्तीपत्र दिलें.
नाट्यलेखना खातीर पयलें इनाम दीपराज सातोर्डेकार हाका ‘द बर्थ ऑफ डॅथ’ नाटका खातीर दिलें. जाल्यार ‘म्हादय’ नाटका खातीर दुसरें इनाम दशरथ मांद्रेंकार हांकां जाहीर जालें.
खास सर्ती खातीर अनुवादीत, रुपांतरीत वा आदारीत नाट्यसंहिता लेखनाचें इनाम वैभव कवळेंकार हाका ‘रंगखेव’ संहिते खातीर दिलें.
हे सर्ती खातीर वट्ट 31 प्रवेशिका आयिल्ल्यो. तातूंतलीं 23 नाटकां सादर जालीं. हे सर्तीचें परिक्षण मुकेश थळी, व्यंकटेश नायक आनी संतोष शेटकार हांणी केलें.
इनामां फावो जाल्ल्या सगळ्या कलाकारांक कला अकादमी वतीन परबीं दिल्या. सर्तीच्या इनामां भेटवण सुवाळ्याची तारीख उपरांत जाहीर करतले, अशें कला अकादमी वतीन प्रदीप गांवकार हांणी कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
