भांगरभूंय | प्रतिनिधी
दिवचल: पैरा-शिरगांव रस्त्यार आयतारा जाल्ल्या दोन दुचाकीच्या अपघातांत पुष्पराज हळदणकार (21) ह्या पैरा दिवचलच्या तरणाट्याक मरण आयलें. जाल्यार तीग जाण जखमी जाले.
दिवचल पुलिसांनी दिल्ले म्हायती प्रमाण दोन दुचाकीच्या ह्या अपघातांत एका तरणाट्याक मरण आयलें. जाल्यार हेर तिगांक उपचारा खातीर हॉस्पिटलांत व्हेले. तातूंतल्या एकल्याक बांबोळे गॉमॅकाँत दाखल केला.
अपघातांत दोनूय दुचाकींचें लुकसाण जालां. नेमको अपघात कसो जालो हे विशीं पुलीस चवकशी करतात अशी म्हायती पुलिसांनी दिली.
मरण आयिल्लो पुष्पराज हाची कूड मरणा उपरांतचे तपासणे खातीर गोंय वैजकी हॉस्पिटलांत धाडून सांजवेळा कुटुंबाचे सुवादीन केली. काल सांजवेळा पुष्पराज हाचे कुडीचेर निमाणे संस्कार केले. पुष्पराज हाका आयिल्ल्या मरणान वाठारांत दुख्ख पातळ्ळां. ह्या प्रकरणांत दिवचल पुलीस अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
