भांगरभूंय | प्रतिनिधी
फेरी बोट धक्यार एका अनवळखी मनशाची कूड लोकांक दिसली. ही अनवळखी व्यक्ती कोण काय? जाण्टेलो पेपरावयल्यो बातम्यो वाचून सामको चिंतेंस्त जावन च्याये घोट मारीत पेपर वाचतालो. हालींसरा आत्महत्त्येचीं प्रकरणां खूब वाडल्यांत .आत्महत्त्या करपाचें मूळ कारण कितें? ही वैयक्तिक काय सामाजिक समस्या?
आत्महत्त्या करपी व्यक्ती, ताका जावपी वेदना लोकांक कश्यो नजरेक येनात? काय नजरेक येता पूण लोक आडनदर करतात? आत्महत्त्या करपाक प्रवृत जाल्लो व्यक्ती जरी वैयक्तिक कारणाक लागून आत्महत्या करपाक फुडें सरता आसत, पूण ताका अशें करपाक उत्सावपी कोण जवाबदार ?आमी केन्ना हो प्रस्न स्वताक विचारला? आमच्या सरभोंवतणी अशे कितलेशेच लोक आसा वळखी वा अनवळखी जे डिप्रेशनांत आसात. योग्य वेळार जर आमी तांचे कडेन संवाद केलो जाल्यार घडये तांचे मनपरिर्तनन जावपाची शक्यता आसता. आत्महत्त्या सारखी टोकाची भुमिका केन्ना घेता मनीस जेन्ना ताचें आयकून घेवपी लागीं कोणूच नासता.
दर एक मनीस समाजाचो महत्वाचो घटक जावन आसा. ताचे संगोपन प्राक्रियेंत घरच्यांचो खूब महत्त्वाचो वांटो आसता. आत्महत्त्या एक समस्या म्हणून जेन्ना पळयतात तेन्ना आत्महत्त्येची समाजीक मुळां समजून घेवप महत्वाचें . घरांतलें वातावरण आनी भुरग्यांचेर जाल्लें संगोपन हें त्या भुरग्यांची मानसिकता समजुपाक आदार दिता. मानसीक संतुलन दवरपाक भुरगेपणार मेळिल्ली माया, शाबासकी, प्रेरणा, मार, शक्ती ज्या विशिष्ट तरेची आसली त्या तरेची त्या मानसिकतेची छाप त्या व्यक्तीच्या सामाजीक वर्तनांत दिसता. उदाहरण घेवया, अति बंधना, साक्तिनी व्हड जाल्लो व्यक्ती शक्यता आसता निराश दुखी नकारात्मक भंयभीत स्वभावाचो सामको एकमुळे वागतात.घरांत खेळीमेळीच्या वातावरणांत व्हड जाल्लो भुरगो चडशे फावट मनमेकळेपणान जगताना दिसता. ह्या गजालीक पूण कांय अपवाद आसा.
आत्महत्त्या ही सामाजीक समस्या हें आमकां समाजशास्त्राच्या नदरेन पळयत तर दिसून येता. नांवाजतो समाजशास्त्रज्ञ इमालय दुरखेम हांणी मांडिल्लो आत्महत्त्येचो सिद्धांत कितें म्हणटा पळोवया. आत्महत्त्या संबंदी तांचे विचार प्रसिद्ध कृति ’आत्महत्या’ हातूंत वाचपाक मेळटा.आत्महत्त्या सारख्या ज्वलंत समस्येचेर तांणी समग्र रूपान समाजाचो अभ्यास केला.आत्महत्त्या ह्या समस्येचेर मूळ पोषक तत्व कितें आसूं येता? सखोल अभ्यास करून दरखायम म्हणटात कि आत्महत्त्या एक सामाजिक घटना. ते अत्महत्त्येक वैयक्तिक, मनोवैज्ञानिक,अनुवंवशिक म्हणपी विद्वानांचे आत्महत्या संबंदी विचारांक ते विरोध करतात. ते म्हणटात कि सामाजिक दबावाक लागून लोक आत्महत्त्या सारखीं पावलां मारतात. गंभीर समस्याचें मूळ कारण. कारण सोदप सोंपें. आत्महत्या ह्या विशयाच्या संबंदान ते म्हणटात कि जश्यो दर दिसा कितें ना कितें आमच्या भोंवतणी घडत आसता तातूंत आत्महत्त्या प्रामुख्यान पळोवपाक मेळटा . दुर्खीमच्या मतान आत्महत्त्या एक सामाजिक तथ्य . म्हणून हांच्या कारणाचो अभ्यास सामाजिक संरचना और संगठन ह्या द्रुष्टीकोनांतल्यान जावपाक जाय.आयजय आमचो समाज आत्महत्त्येक चिंतेचो विशय अशें धरिनात.आत्महत्त्या करपाचें कारण आंतरीक विचारांचें वादळ निर्माण करपी समाज आत्महत्त्या प्रकरणाची आधुनीक कारणां आसात ताणतणाव,घटस्फोट,परिक्षा,कामाचें दडपण. आत्महत्या की घटनाची प्रवृत्ती आनी प्रकृती समान न्ही असमान आसा.
आत्महत्या म्हळार कितें? आत्महत्त्येची त्याख्या अशें म्हणटा आत्महत्या ही सकारात्मक हिंसक कृती. सकारात्मक कारण ही कृती स्वखोशेन केली कृती स्वखोशेन म्हळ्यार स्वता थारावन जीव दिवप स्वता आत्मघातक करपी व्यक्ती कित्याक आत्मघात करपाक प्रवृत जाता? ताचे सरभोंवतणी घडपी गजालींक विटून वा स्वताक समाजा कडल्यान मुक्ती मेळोवंक एक साधु संत जसो समाधी घेता तेचभशेन एक व्यक्ती जर जेवण खाण खावपाचे सामकेच बंद करता, समाजापासून पयस रावता, स्वताच्याच विचारांनी आत्मभान विसरता जाल्यार प्रश्न उप्रासता. “आत्महत्या” वैयक्तिक काय समाजिक कृती?
कात्यायणी घाटवळ
शिरगांव
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
