भांगरभूंय | प्रतिनिधी
पणजी, प्रतिनिधी : दर्यादेग वाठारांत दातांच्या (डेंटिस्ट) बोगस दोतोरांचो वावर वाडला. चडशे दोतोर विदेशी तशेंच बिगर गोंयकार आसात. कागाळ आयली जाल्यार सरकार चवकशी करून निश्चीत कारवाय करतलो, अशी हमी मुख्यमंत्री डॉ. प्रमोद सावंत हांणी दिली.
गोंय डेंटिस्ट संघटणेचे १८ व्या आधीवेशनाचें उक्तावणा वेळार मुख्यमंत्री उलयताले. ह्या वेळार डेंटिस्ट संघटणेचे अध्यक्ष राजेंद्र लांबोर, सचीव ओंकार शेट्ये, आयोजन समितीचे अध्यक्ष फ्रान्सीस ताव्होरा आनी हेर मानेस्त हाजीर आशिल्ले. गोंय आतां ‘सी, सॅण्ड अँड सन’ इतले पुरतें मर्यादीत उरूंक ना. वैजकी पर्यटनाचो विस्तार जायत आसा. वैजकी पर्यटनांत दांत चिकित्सकाक व्हड वाव आसा. चडशीं डेंटिस्ट बायलां आसतात. अंदूंय दांत म्हाविद्यालयांत प्रवेश घेवपांत चलयांचें प्रमाण चड आसा. डेंटिस्ट वेवसायिकांक गोंयांत तरी भियेपाची गरज ना, अशें मुख्यमंत्री सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
