भांगरभूंय | प्रतिनिधी
पणजी: गोंय शिक्षण विकास म्हामंडळान संत सोहिरोबानाथ आंबिये ज्ञानवृध्दी शिश्यवृत्ती (बर्सरी येवजण) येवजणेचो २०२५-२६ शालेय वर्सा खातीर लाव घेवपाक विद्यार्थ्यां कडल्यान अर्ज मागयल्यात. २०१४ वर्सा सावन म्हामंडळा वतीन ह्या येवजणेची अंमलबजावणी करपात येता.
गोंय राज्यांतल्या शिक्षणीक संस्थांनी शिकपी आनी कुटुंबाची येणावळ ५ लाख रूपया सकयल आशिल्ल्या विद्यार्थ्यांक हे येवजणे खाला ४०,००० रूपया मेरेन अर्थीक मजत दितात. धावी उपरांत पदविका अभ्यासक्रम, बारावी उपरांत पदवी अभ्यासक्रम आनी पदवी उपरांत पदव्युत्तर अभ्यासक्रम शिक्षण घेवपी विद्यार्थ्यी हे येवजणे खाला अर्ज करपाक शकतात, मात तांणी पात्रतायेचे निकश पुराय करपाक जाय.
पात्र विद्यार्थ्यी हे येवजणेचो लाव घेवपा खातीर ५ मे ते १९ जून २०२६ मेरेन अर्ज करपाक शकतात. अर्ज आनी अदीक म्हायती खातीर विद्यार्थ्यांनी म्हामंडळाच्या www.gedc-goa.org. हे वेबसायटीक भेट दिवची.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
