भांगरभूंय | प्रतिनिधी
नवी दिल्ली: शेनवारा सकाळीं ११:४५ वरांचेर देशभरांतल्या जायत्या मोबायल फोनांचेर एकाच वेळार सायरन वाजपाक लागलो. स्क्रिनीचेर हिंदी-इंग्लीश भाशेंत एक संदेश आशिल्लो. सायरन थांबले उपरांत मेसेज वाचून मोबायलाचेर दाखयलो. हाका लागून जायत्या जाणांक अस्वस्थताय निर्माण जाली, जाल्यार जायते कडेन बोवाळ जालो. मात सरकारान भियेवपाची गरज ना म्हूण सांगलां.
आपत्कालीन मोबायल अलर्ट चांचणेचो एक भाग म्हूण राष्ट्रीय आपत्ती वेवस्थापन प्राधिकरण वा एनडीएमए हांणी हो संदेश धाडला. एनडीएमएन आपत्कालीन परिस्थितींत लोकां मेरेन म्हायती पावपा खातीर २ मेक ह्या सेल ब्रॉडकास्ट अलर्ट प्रणालीची चाचणी केली.
एनडीएमएन मोबायल एसएमएस आनी सेल ब्रॉडकास्ट (सीबी) तंत्रज्ञाना कडेन जोडलां. हाका लागून एकाच वेळार वेंचून काडिल्ल्या वाठारांत सक्रीय आशिल्ल्या सगल्या फोनांक अलर्ट धाडटले. हाका लागून आपत्कालीन परिस्थितींत रिअल टायक म्हायती पावोवपाक मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
