भांगरभूंय | प्रतिनिधी
म्हापशें : खडपावाडो, कुचेलीच्या सुभाष रामा नायक (६१) हांच्या मरणा प्रकरणांत म्हत्वाची खबर मुखार आयल्या. पोस्टमार्टमाच्या रिपोर्टाच्या आदारार म्हापशें पुलिसांनी ह्या प्रकरणात खुनाचो गुन्यांव नोंद केला.
हे विशीं मळिल्ले चड म्हायती प्रमाण, काल नायक हांच्या मरणा विशीं टुटुंबियांनी दुबाव उक्तायले उपरांत पुलिसांनी रोखडोच हस्तक्षेप करून कूड ताब्यांत घेतिल्ली. उपरांत केल्ल्या पोस्टमार्टमांतल्यान कांय दुबाव येवपा सारक्यो गजाली मुखार आयिल्ल्यान पुलिसांनी गुन्यांव दाखल करपाचो निर्णय घेतलो.
ह्या प्रकरणांत फुडलो तपास म्हापशें पुुलीस करतात. ह्या मरणा फाटलें नेमकें कारण कितें आनी आरोपींचो सोद घेवपा खातीर पुलिसांचे पंगड कार्यरत जाल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
