भांगरभूंय | प्रतिनिधी
० मुंडवेल वाडेंच्या श्री ओवळेश्वर गोपाळ कृष्ण संस्थाना वतीन मुरगांव म्हाल पांवड्यार ६ सप्टेंबराक सांजेवेळार चार वरांचेर देवळांत गवळण गायन सर्त आयोजीत केल्या. वांटो घेवपा खातीर नरेश नायक (९८२२१३६६२३), राजन (९७६२४१६५१४), नागेश नायक (९३२२५१९७८९) हांचे कडेन संपर्क करचो. सर्तकांक संगीत साथीची पुरवण करतले.
० प्रागतीक विचार मंच गोंय हांचे वतीन सोमार ४ सप्टेंबराक श्रावण साहित्य सृजन हे कार्यावळीचें आयोजन केलां. ही कार्यावळ फोंडेंच्या थिफ्ट को – ऑपरेटिव्ह सोसायटीच्या सभाघरांत सांजेवेळार ४ वरांचेर जातली.
० सेवा मंच गोवा बहुउद्देशीय पतसंस्थेची वर्सुकी बसका आयतारा १० सप्टेंबराक सकाळीं १० वरांचेर फोंडेंच्या थ्रिफ्ट संस्थेच्या सभाघरांत जातली. ह्या वेळार विवीध विशयांचेर चर्चा जातली. हे बसकेक वांगड्यांनी हाजीर रावपाचो उलो संस्थेचे अध्यक्ष रोहिदास सतरकार हांणी दिला.
० आखाड्यार स. नविशा आनी सुदेश चंद्रकांत फडते हांच्या घरांत ७ सप्टेंबराक गोकुळाश्टम मनयतले. सांजच्या ७ वरां सावन साबार धर्मीक, संस्कृतीक कार्यावळी जातल्यो. ९ वरांचेर म्हाप्रसाद जातलो.
० कुडचडे सावड्ड्यां रोटरी क्लब आनी इनरव्हील क्लबा वतीन मंगळारा ५ सप्टेंबराक शिक्षक दिसा निमतान सांजवेळार ७ वरांचेर कुडचडेच्या रोटरी सभाघरांत कार्यावळ.
० कला आनी संस्कृती संचालनालयान हस्तकलाकार सुनेत्रा कामत तारकार हांच्या आरी कार्यशाळेचें आयोजन ४ ते ८ सप्टेंबर मजगती दनपारां २.३० ते सांजेची ५.३० मेरेन संस्कृती भवन, पाटो पणजी हांगा केलां. कार्यशाळेखातीर ३००/- रूपया प्रवेश शुल्क आसतलें. हे कार्यशाळेत १५ प्रशिक्षणार्थीक प्रवेश दितले. चड म्हायती खातीर ०८३२-२४०४६३०/ ६३१ ह्या फोन नंबराचेर संपर्क करचो, अशें कळीत केलां.
० सांखळे रवींद्र भवना वतीन दिवचल आनी सत्तरी तालुको मर्यादीत घुमट आरती सर्त १० सप्टेंबराक जातली. ही सर्त रवींद्र भवनांत सकाळीं १० वरांचेर जातली. पयलीं येवपी फकत १० पंगडाक प्रवेश मेळटलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
