भांगरभूंय | प्रतिनिधी
पणजी ः विशेश भुरग्यांचे दिशा शाळेचे शिक्षक अविनाश पारखे हांकां अंदुंचो राष्ट्रीय शिक्षक पुरस्कार जाहीर जालो. ५ सप्टेंबराक दिल्लींत जावपी सुवाळ्यांत राष्ट्रपती द्रौपदी मुर्मू हांचे हस्तुकीं तांका हो पुरस्कार भेटयतले.
देशांत दर वर्सा 5 सप्टेंबर हो दिस डॉ. सर्वेपल्ली राधाकृष्णनाचो वाडदीस निमतान राश्ट्रीय शिक्षक दीस म्हूण मनयतात. ह्या दिसा देशभरांतल्या शिक्षणाच्या मळार उत्कृश्ट कामगिरी करपी शिक्षकांक राष्ट्रीय शिक्षक पुरस्कार दिवन भोवमान करतात. अंदूंच्या वर्सा सावन शाळा पांवड्यावेले 50 शिक्षक, उच्च शिक्षण पांवड्यावेले 13 शिक्षक आनी 13 कुशळटाय उदरगत मंत्रालयाच्या खाला पुरस्कार दितले.
अंदूं नवी दिल्लीच्या विज्ञान भवनांत जावपी कार्यावळींत राष्ट्रपती कडल्यान वट्ट 76 शिक्षकांक हो पुरस्कार दितले. हातूंत गोंयांतल्या विशेश भुरग्यांचे दिशा शाळेचे शिक्षक अविनाश पारखे हांचो आस्पाव आसा. प्रमाणपत्र, ५० हजार रुपया रोख आनी पदक असो हो पुरस्कार आसा. पुरस्कार मेळिल्ल्यांक प्रधानमंत्री नरेंद्र मोदी हांकां मेळून तांचे कडेन संवाद सादपाची संद मेळटली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
