भांगरभूंय | प्रतिनिधी
पणजी, प्रतिनिधी: सगळ्या कल्याणकारी येवजणेची थकबाकी १५ सप्टेंबर मेरेन लावार्थांच्या खात्यांत जमा जातली. चवथी पायलीं १११६९ अंत्योदय रेशन कार्ड धारकांच्या खात्यांत ८२५ रुपया जमा जातले, अशे मुख्यमंत्री डॉ. प्रमोद सावंत हांणी सांगलें. गोंय सरकाराच्या गॅस सिलिंडर अर्थ सहाय्य येवजणेचो आयज शुभारंभ जालो.
पणजी मिनेझीस ब्रागांजा सभाघरांत जाल्ले कार्यावळींत केंद्रीय मंत्री श्रीपाद नायक, नागरी पुरवण खात्याचे मंत्री रवी नायक आनी हेर मानेस्त हाजीर आशिल्ले.
कांय वार्सां पायलीं बायलांक चुलीचेर जेवण करचें पडटालें. उपरांत स्टोव आयले, गॅस आयलो. पयलीं गॅस सिलिंडर बूक करचो पडटालो. मोदी सरकार आयले उपरांत गॅस सिलिंडराचो उणाव पयस जालो. आतां गॅस २०० रुपयांनी सवाय जाला. गोंयच्या अंत्योदय कार्ड धारकांक तो ४७५ रुपया सवाय मेळटलो. केंद्रांत बीजेपी सरकार आयले उपरांत अंत्योदय रेशन कार्ड धारकांक ३५ कील तांदूळ मेळपाक लागले. हे तांदूळ प्रोटीन युक्त आसता. ताचो दर्जो बरो आसता, अशें मुख्यमंत्री डॉ. प्रमोद सावंत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
