ज्येश्ठ नागरीक सन्मान येवजणे खातीर अर्ज

भांगरभूंय | प्रतिनिधी

पणजी, प्रतिनिधी : समाज कल्याण संचालनालयान ज्येश्ठ नागरीक सन्मान येवजणे खातीर अर्ज मागयल्यात. संचालनालया वतीन 1 ऑक्टोबराक संवसारीक ज्येश्ठ नागरीक दिसा राज्य पांवड्या वयले कार्यावळींत 70 वर्सां पिराये वयल्या राज्यांतल्या १४ नामनेच्या ज्येश्ठ नागरिकांचो सत्कार जातलो. ल्हान म्हालांतल्या एक आनी व्हड म्हालांतल्या दोग ज्येश्ठ नागरिकांच्या सत्कारा खातीर निवड करतले.
इत्सूक 70 वर्सां पिराये वयल्या नामनेच्या ज्येश्ठ नागरिकांनी विहीत नमुन्यांतले अर्ज आपली म्हायती आनी आवश्यक दाखले (सॉफ्ट आनी हार्ड कॉपी/सीडी) आनी एका पासपोर्ट आकाराच्या फोटवा सयत संचालक, समाज कल्याण संचालनालय, १८ जून मार्ग, पणजी वा दक्षीण गोंय जिल्हो कल्याण कचेरी हांगा दिवचे. अर्ज स्विकारपाची निमाणी तारीख ६ सप्टेंबर आसा. उपरांत आयिल्ल्या अर्जांचो विचार जावचो ना.
चड म्हायती खातीर, जिल्हो कल्याण अधिकारी (उत्तर) समाज कल्याण संचालनालय, पणजी वा जिल्हो कल्याण अधिकारी (दक्षीण), समाज कल्याण संचालनालय, माथानी साल्डाणा प्रशासकीय प्रकल्प, मडगांव, फोन. नं. 0832-2232257, 2231225, 2223784 आनी 2794020 चेर संपर्क करचो वा socialwelfaregoarediffmail.com ह्या ई-मेलाक भेट दिवची.