भांगरभूंय | प्रतिनिधी
तुमी टीव्हीचेर जायत्यो टुथपेस्ट जायराती पळयल्यात, जातूंत टुथपेस्ट कंपनी गिरायकांक ‘क्या आपके टुथपेस्ट में नमक है?’, म्हळ्यार तुमच्या टुथपेस्टांत मीठ आसा? हें विचारून तांकां मीठ आशिल्ली टुथपेस्ट सगळ्यांत बरी अशें दाखयता. आतां प्रस्न असो की खरेंच टुथपेस्टांत मीठ आसता काय? आसल्यार तें दांतांक कितलें बरें आनी ताचो कितें परिणाम जाता? हे विशीं सविस्तरपणान जाणून घेवया.
टुथब्रश सोदून काडचे पयलीं टुथपेस्ट तयार जाल्ली, अशें इतिहासकारांचें मत. आदीं इजिप्तांतल्या लोकांनी ५००० इ.स. च्या सुमाराक दांत नितळ करपा खातीर पेस्ट तयार केली. पूण त्या काळांत ताका टुथपेस्ट म्हणून वळख नाशिल्ली. हाचे उपरांत ग्रीक आनी रोमन लोक दांतांची पेस्ट वापरताले. म्हणल्यार भारत आनी चीन हांचे विशीं उलयल्यार हांगाय लोक इ.स.प. ५००० च्या काळा सावन टुथपेस्ट वापरताले.
टुथपेस्टांतले घटक
टुथपेस्ट करपा खातीर खुबशे केमिकल वापरतात. ते दातांचें संरक्षण करतात आनी तांकां नितळ दवरतात. तातूंत मेळपी ऍब्रेसिव्ह (Abrasives), फ्लोरायड्स (Fluorides), डिटर्जंट्स आनी ह्युमेक्टंट्स (Humectants) आमच्या दांता वयलो प्लाक आनी घाण काडून उडोवपाक मजत करता. जाल्यार ‘फ्लोरायड’ दातांचें इनॅमल घटमूट करून पोकळी (Cavity) आडावपाक मजत करता. हातूंत आशिल्लें डिटर्जंट टुथपेस्टांत फेस हाडपाचें काम करता.
मिठाची भुमिका म्हत्वाची?
पेस्टांत आशिल्लें ‘ह्युमेक्टंट्स’ टुथपेस्टीक सुकपाक दिना. ह्या सगळ्या घटकां सयत आतां टुथपेस्टींत मिठूय मेळटा. तें आमच्या दांतां खातीर म्हत्वाची भुमिका करता. मिठाचें सगळ्यांत व्हड काम म्हळ्यार तोंडांतली लाळ वाडोवप. हाका लागून तोंडांतले जंतू भायर पडटात. तशेंच मीठ दातांत आशिल्लें सैमीक इनॅमल कॅल्शियम आनी फ्लोरायडाक आनी संवेदनशील करता आनी मिठांत हिरड्यांतली सूज आनी मिरमिरप उणें करपाची शक्त आसता. ताका लागून मीठ हो आमचे टुथपेस्टींतलो एक म्हत्वाचो भाग जावन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
