भांगरभूंय | प्रतिनिधी
पणजेंतल्या विद्यार्थिनीचो लिंगीक छळ, कुंकळ्ळी वाठारांच विनयभंग
पणजी/ मडगांव, प्रतिनिधीः फाटल्या 24 वरांत राज्यांत दोन धक्को दिवपी घडणुको उजवाडाक आयल्यात. पयलीं म्हळ्यार एका विद्यार्थीनीचेर प्राध्यापकान लिंगीक अत्याचार केलो जाल्यार दक्षीण गोंयांत हायस्कूलांतल्या पीटी शिक्षकान विद्यार्थीनीचेर लैंगीक अत्याचार केलो.
पणजेंच्या बायलां पुलिशेंत प्राध्यापकाचेर गुन्यांव नोंद केला. तपास चालू आसा. ही घडणूक फाटल्या सप्तकांत घडिल्ली, काल चलयेच्या कुटुंबान कागाळ केली.
मजगतीं, सासश्टींतल्या प्रकरणांत दुबावीत पीटी शिक्षकाक कुंकळ्ळी पुलिसांनी अटक केल्या. मेळिल्ले म्हायती प्रमाण, सासश्टीच्या हायस्कुलांतल्या त्या शिक्षक शाळेंत दोरी उडयो मारतना एके नेण्टे चलये कडेन एकटक पळयत रावतालो. चलयेचो छळ करपाच्या हेतान ताणें शाळेंत हे कृत केल्ल्याचे पुलिसांनी सांगलें. तशेंच दुबावितान आपल्या मोबायला वयल्यान नेण्टे चलयेचे गुप्ततायेचो भंग करपी व्हिडियो शेअर केलो. मुख्याध्यापकाक हे विशीं म्हायती मेळ्ळे उपरांत ताणें पुलिशेंत कागाळ केली.
भारतीय दंड संहितेचे कलम 354 (ए), 509 आयपीसी आनी गोंय बाल कायद्याचे कलम 7 खाला, पोक्सो कायद्याचे कलम 12 आनी म्हायती तंत्रज्ञान कायद्याचे कलम 2000 च्या कलम 67, 67 (ए) खाला पुलिसांनी दुबाविताचेर गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
