भांगरभूंय | प्रतिनिधी
गिमाच्या दिसांनी येवपी वीज बिला पळोवन खुबश्या लोकांक बरेंच अजाप जाता. एसी, कुलर, फॅनाचो गिमांत खूब वापर जाता. हाचो वीज बिलांचेर परिणाम जाता. ताका लागून खुबशे जाण हें बील उणें कशें जातलें हे विशीं विचार करतात. हुस्को करपाचें सोडात आनी हे येवजणे विशीं दिल्ली म्हायती वाचात.
ही येवजण म्हळ्यार सोलर पॅनल. तुमी तें घराच्या पांख्यार लायलें जाल्यार तुमचें वीज बील खूब उणें वा शुन्याचेरूय पावपाक शकता. सौर पॅनेल हें अशें उपकरण जावन आसात जें सुर्याचीं किरणां विजेंत रुपांतरीत करता. ताका सौर पॅनेल म्हणटात. चडश्या उजवाडाचो स्रोत म्हळ्यार सूर्य. कांय शास्त्रज्ञ हाका ‘फोटोव्होल्टेइक’ म्हणटात. म्हळ्यार उजवाड, वीज.
पॅनेल बसोवपाक कसो अर्ज करप?
सगळ्यांत पयलीं फोनाचेर सॅन्डेस ऍप डावनलोड करात आनी पोर्टलाचेर ताची नोंदणी करात. उपरांत तुमचें राज्य भरात आनी वीज वितरण कंपनी वेंचात. वीज गिरायक क्रमांक आनी तुमचो मोबायल क्रमांक भरात.
ईमेल आयडी बरयात आनी पोर्टलार येवपी सुचवण्यो पाळात. उपरांत तुमचो गिरायक क्रमांक आनी मोबायल क्रमांक घालून लॉगीन करात आनी तुमच्या घराच्या सौरऊर्जे खातीर अर्ज करात.
DISCOM² चे जापेची वाट पळयात आनी DISCOM² चेर नोंदणीकृत खंयच्याय विक्रेत्याचो प्लांट स्थापीत करात.
स्थापने उपरांत प्लांटाचे तपशील सबमीट करून नेट मिटरा खातीर अर्ज करात.
DISCOM² वरवीं नेट मिटराची स्थापना आनी तपासणी केल्या उपरांत पोर्टलाचेर कमिशनींग प्रमाणपत्र तयार करतले.
कमिशनिंग रिपोर्ट मेळ्ळ्या उपरांत पोर्टलाचेर तुमचे बँक तपशील आनी रद्द केल्लो चेक सबमीट करात.
सबसिडी ३० दिसां भितर तुमच्या खात्यांत येतली.
जाय जाल्यार तुमी ऑनलायन डिस्कॉम्स पोर्टला वरवींय अर्ज करपाक शकतात. ते खातीर https://solarrooftop.gov.in/gridšothers/discomPortalLink ह्या लिंकाचेर क्लीक करात.
सगळे तरेच्या इमारतींचेर सौर पॅनेल बसोवपा खातीर भारत सरकाराचें अनुदान मेळटा. १ kWp Vo ते ३ kWp चेर ४० टक्के उपलब्ध आसा आनी जर तुमी ३ kWp ते १० kWp चें पॅनेल स्थापीत केल्यार तें २० टक्के उपलब्ध आसा.
खाजगी निवासी इमारतींचेर सौर पॅनेल बसोवपा खातीर भारत सरकाराच्या अनुदाना वांगडा राज्य अनुदान १५०००/KW ते कमाल ३००००/प्रती वीज गिरायकां उपलब्ध आसात.
सोलर पॅनलाचे फायदे
सोलर सिस्टीमा वरवीं आमी घरांत वीज तयार करूंक शकतात. सौर पॅनलाचें आयुश्य २५ वर्सां आसता. २५ वर्सां वैधताय आशिल्ल्यान ताची देखरेख करपाची गरज ना. पॅनल बसयले उपरांत वीज सतत मेळटली. तातूंतली सगळ्यांत बरी गजाल म्हळ्यार ही प्रणाली बसोवप खूब सोंपें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
