रेल्वे फ्लाय ओव्हरा खातीरघर आनी भंगार अड्डो काडलो
भांगरभूंय | प्रतिनिधी
वास्को, प्रतिनिधी : शांतीनगर आनी नवेवाडें हांकां जोडपी रेल्वे फ्लायओव्हराक समांतर नवो फ्लायओव्हर बांदपा खातीर बुधवारा सकाळीं एक घर आनी कावलां अड्डो काडलो. ह्या वेळार हांगा पुलीस बंदोबस्त दवरिल्लो.
पोरणो उड्डाण पूल खूब अशीर आसा. एकाच वेळार दोन गाडयो वचूंक शकनात. ह्या पुला वयल्यान दर दिसा शेंकड्यांनी गाडयो वतात. पूण तो खूब अशीर आशिल्ल्यान वाहन चालकांक त्रास सोंसचे पडटात. फाटल्या कांय वर्सां सावन ह्या पुलाच्या कुशीक समांतर पूल बांदचो अशी मागणी नागरिकांनी सुरू केल्ली.
पंचायत मंत्री मावीन गुदिन्हो आनी वास्कोचे आमदार दाजी साळकार हांच्या येत्नांक लागून रेल्वेन हांगा नवो समांतर पूल बांदपा खातीर पावलां उबारल्यांत. पूण नव्या पुला भितर भंगार अड्डो आनी एक घर येतालें. हे विशीं संबंदीत बांदकामाच्या धनयांक नोटीस दिल्या. ते प्रमाण तांणी सामान हालयल्लें. मुरगांव पालिकेन बिरेस्तारा तीं बांदकामां मोडून उडयलीं. ह्या वेळार नगराध्यक्ष गिरीश बोरकार, मुखेल अधिकारी जयंत तारी, नगरसेवक श्रद्धा महाले आनी हेर हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
