भांगरभूंय | प्रतिनिधी
मुंबय, खबरां संस्था : रिलायन्स रिटेलान हालींच सुरू केल्ल्या मल्टीमीडिया, सौंदर्य विशींच्या रिटेल प्लॅटफॉर्म ‘तिरान’ आपली पयलीच मोहीम ‘फॉर एव्हरी यू’ सुरू केली, तातूंत करीना कपूर- खान, कियारा आडवाणी आनी सुहाना खान हांचो आस्पाव आसा.
तिराची ‘फॉर एव्हरी यू’ मोहीम दरेकल्याच्या जिवितांत आशिल्ल्यो वेगवेगळ्यो भुमिका, भावना आनी अणभवांचेर भर दिता. सोबीतकायेची भुमिका आनी लोक सोबीतकाय आनी वेगवेगळ्या खिणां वरवीं आपलीं भावना कशीं उक्तायतात, हाचेर हे मोहिमेक भर दितले.
करीना, कियारा आनी सुहाना हीं सोबीतकायेचीं तीन वेगवेगळीं व्याख्या आनी दरेकाचेर आदारिल्लो 30 सेकंदांचो खाशेलो व्हिडियो हे मोहिमेंत आस्पावला. वेगवेगळे विचार, दिसपट्ट्यो संवयों, सैम मनशाक कसो तयार करता आनी तांची सोबीतकाय कशी थारता तें ह्या व्हिडियोंत दिसता. मनशाक स्वताच्या सोदाच्या प्रवासांत खंयच्याय पांवड्यार स्वताची अभिव्यक्ती व्यक्त करपाक आनी स्वताचो सोद घेवपाक सशक्त करप हो हे मोहिमेचो हेतू आसा.
फुडल्या कांय म्हयन्यांत मुखेल प्रसार माध्यमांनी ‘फॉर एव्हरी यू’ ही मोहीम दिसतली. तिराच्या गिरायकांक काळजीपूर्वक वेंचून काडिल्ले उत्कृश्ट जागतीक आनी देशी ब्रँड, आकर्शक ऑफर, खरेदी वांगडा भेटवस्तू सयत विंगड विंगड पर्याय दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
