भांगरभूंय | प्रतिनिधी
म्हापशें: 15 वर्सां पिरायेचे सान चलयेक आक्षेपार्ह रितीन स्पर्श करून तिचो विनयभंग केल्ल्या प्रकरणांत म्हापशें पुलिसांनी माजीद खान (रा. बस्तोडें, मूळ राजस्थान) हाका अटक केली.
हो विनयभंगाचो प्रकार शेनवारा 2 सप्टेंबर दिसा रातच्या 8.20 वरांच्या सुमाराक म्हापशेंच्या सिने अलंकार थिएटरा कुशीच्या रस्त्यार घडिल्लो. ह्या प्रकरणांत रातीं उसरां पिडीत चलयेच्या बापायन पुलीस स्टेशनार रितसर कागाळ दिली.
पुलिसांनी वाठारांतल्या सीसटीव्ही फुटेजीची पडटाळणी केली आनी उपरांत दुबाविताक ताब्यांत घेतलो. भादंसंच्या कलम 354 आनी गोंय बाल कायदो कलम 8 आनी पॉस्को कायदो कलम 8 खाला दुबाविताक अटक केली.
मजगतीं, दुबावीत आरोपी हो एका चिकन विकपी दुकानांत कामाक आसा. फुडलो तपास पुलीस उपनिरिक्षक रुपाली गोवेकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
