भांगरभूंय | प्रतिनिधी
पेडणें, प्रतिनिधी : मांद्रें पंचायत वाठारांतलो देऊळवाडो ते दांडोसवाडो मेरेन वचपी रस्त्याची अवस्था सामकी बाबत जाल्या. पुराय रस्त्याचेर फोंडकुलां पडून तातूंत उदक सांठून उरलां. ताका लागून फोंडकुलांचो अंदाज चुकून खुबश्या जाणांक अपघात जाल्यात. हो रस्तो बेगीन सारको करचो अशी मागणी नागरिकांनी केल्या. स्वराज्य संस्थेचे वकील प्रसाद शहापुरकार हांणी, ह्या रस्त्या कडेन भौशीक बांदकाम खातें, आमदार जीत आरोलकार हांणी लक्ष घालचे आनी रस्तो चवथी पयलीं दुरुस्त करचो अशी मागणी करपी निवेदन सरकाराक दिलां.
हांगची वीज समस्या सोडोवपाक जमनी पोंदच्यान लायटीच्यो सरयो घालपा वेळार रस्तो खणपाचें कंत्राट कंत्राटदाराक दिल्लें. ताचे प्रमाण रस्तो खणून रस्त्यांची सामकी वायट परिस्थिती करून उडयल्या. बारीक फोंडकुलांचे आकार वाडतूच आसात. ह्या रस्त्या वयल्यान वतना वाहन चालकांक रस्तो सोदीत वाट काडची पडटा. रस्तो सारको करपाची मागणी जायत आसा. पूण हाचे कडेन सगळ्यांनी आडनदर केल्ल्यान लोकांनी तिडक उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
