भांगरभूंय | प्रतिनिधी
फोंडें, प्रतिनिधी : फोंडेंच्या वयल्या बाजारांत आयज बुधवारा सकाळीं जुगार अड्ड्याचेर छापो घालून फारुख मोकता पीरजादे (४०, पंडितवाडो -फोंडें), रियाज मज्जीत सईद (३१, कोटवाडो – कुर्टी), साहील सुभाष आकारकार (२२, आकारवाडो, फोंडें) आनी फैयाज नरुद्दीन दावूद (६५, वयलो बाजार- फोंडें) हांकां अटक केली. तशेंच तांचे कडल्यान १४९० रुपया जप्त केले.
सकाळीं जुगार सुरु आशिल्ल्याची म्हायती पुलिसांक मेळ्ळी. मागीर पुलिसांनी छापो घालो. फोंडेंचे हवालदार रघुनाथ गांवस हांणी घडणुकेचो पंचनामो केला. अटक केल्ल्या दुबावितांची न्यायालयान जामीनाचेर सुटका केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
