भांगरभूंय | प्रतिनिधी
नागपूर, खबरां मेज : महाराष्ट्र सरकारान शक्तिपीठ एक्सप्रेस मार्गाची घोशणा केल्या. हो मार्ग नागपूर आनी गोंयांक जोडटलो. ताका लागून नागपूर तें पेडण्यां मदलो प्रवास २१ वरां वयल्यान ८ वरां इतलो उणो जातलो, अशें म्हणटात.
ह्या म्हामार्गांत लागून विदर्भ, मराठवाडो आनी अस्तंत महाराष्ट्रांतले कांय वाठार तशेंच कोकणाचोय आसपाव आसा. मुखार तो गोंयां मेरेन येतलो.
ह्या एक्सप्रेसवेक लागून महाराष्ट्रांतल्या पूर्व, पश्चीम आनी दक्षिणेकडलीं ३ शक्तीपीठां, २ ज्योतिर्लींग आनी तिर्थक्षेत्रां जोडटले. सुमार ७६० किलोमिटर लांबायेच्या ह्या एक्सप्रेसवेची लांबाय नागपूर- मुंबय सुपर कम्युनिकेशन हायवे परस चड आसतली.
समृद्धी म्हामार्गाक लागून नागपूर ते गोंय प्रवासाचो वेळ पयलींच उणो जाला. शक्तीपीठ द्रुतगती मार्ग ११ जिल्ह्यांतल्यान वतलो. ताका लागून विदर्भ, मराठवाडो आनी कोकणांतली उदरगत चालीक लागतली.
असो आसा रस्तो
लांबाय ७६० किलो मिटर
स पदरी द्रुतगती मार्ग
प्रकल्पाचें मोल ७५ हजार कोटी रुपया
जिल्ह्यांचो आस्पाव – यवतमाळ, हिंगोली, नांदेड, परभणी, लातूर, बीड, उस्मानाबाद, सोलापूर, कोल्हापूर, सिंधुदुर्ग, आनी गोंयांतलो पत्रादेवी गांव
प्रवासाचो वेळ- नागपूर ते पेडण्यां- ८ वरां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
