भांगरभूंय | प्रतिनिधी
मडगांव, प्रतिनिधी : राज्यांतली कॉमन कॅडरच्या पदांची भरती गोंय भरती आयोग करता. जाल्यार राज्य नगरपालिकांतलीं भरती नगरपालिका प्रशासन करतात. मडगांव पालिकेची खंयचीच सुवात रद्द जावंक ना. हो प्रस्न सुटावो जाला अशी म्हायती आमदार दिगंबर कामत हांणी दिली.
मडगांव नगरपालिकेन जारी केल्ल्या 43 जाग्यांची भरती रद्द केल्या. प्रसार माध्यमांनी आमदार दिगंबर कामाक हे विशीं विचारलें तेन्ना हो प्रस्न सुटावो जातलो अशें सांगलें. जिल्लो पालिका प्रशासनान पालिकेक धाडिल्ले सुचोवणेंत पालिकेंत सांगिल्लीं पदां गोंय भरती आयोगा वरवीं भरपाक जाय अशें सांगिल्लें. सुवाती रद्द जावंक नात. हो प्रस्न सुटावो जाला. पालिकेच्यो सुवाती भरपाचो अधिकार राज्यांतल्या सगळ्या नगरपालिका प्रशासनांचो आसा. ही कॉमन केडरची भरती न्हय. पालिके कडल्यान जे रिक्त सुवाती भरती करपाचो अधिकार पालिके प्रशासनाक आसा. तांकां पालिके कडल्यानच नेमणुकेचीं पत्रां जारी करचीं पडटात. ह्यो सुवाती भरपाचो वा ना भरपाचो निर्णय पालिका मंडळान घेवपाचो आसा. पालिकेंतल्या उंचेल्या पदांचेर अभियंते आनी हेर पदां सरकार भरती करतात. देखून पालिके कडल्यान ज्या पदांचेर भरती करता ताका भरती करपाचो अधिकार पालिकेचोच आसा अशें आमदार कामत हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
