पर्यटन वेवसायिकांक नोंदणी करपाची शिटकावणी
भांगरभूंय | प्रतिनिधी
१५ सप्टेंबर मेरेन नोंदणी केली ना जाल्यार जातली कारवाय
पणजी, प्रतिनिधी : गोंय पर्यटन नोंदणी कायद्या प्रमाण राज्यांतलीं हॉटलां, शॅकां, उदका खेळ तशेंच पर्यटन सेवा दिवपी आस्थापनांक नोंदणी सक्तीची आसा. पर्यटन खात्या कडेन १५ सप्टेंबर मेरेन नोंदणी करची. नाजाल्यार कारवाय करपाची शिटकावणी पर्यटन खात्यान जारी केल्या.
पर्यटन मंत्री रोहन खंवटे हांणी सगळ्या हॉटेलांक हाचे पयलींच नोंदणी करपाचें आवाहन केल्लें. हे प्रमाण राज्यांत २ हजारां वयर हॉटेलांनी नोंदणी केल्या. हॉटेल्स, शॅकां, उदका खेळ, होम स्टे, गेस्ट हावज, पर्यटक गायड, ट्रॅवल एजंट, स्पायस प्लांटेशन, ऍडवेंचर स्पोर्टस हांकां १५ सप्टेंबर मेरेन नोंदणी करची पडटली. नोंदणी केलीना, जाल्यार अर्थीक दंड फारीक करचे पडटले. तशेंच कायद्यांत वीज तशेंच उदकाची जोडणी तोडपाची तजवीज आसा. नोंदणी नाशिल्ल्या पर्यटक गायडाआड खर कारवाय करपाची शिटकावणी श्री. खंवटे हांणी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
