पंचवाडी रेंव काडपाच्या प्रकरणांत तिगांक अटक
भांगरभूंय | प्रतिनिधी
पणजी, प्रतिनिधी : पंचवाडी शिमेर बेकायदेशीरपणान रेंव काडपी तिगांक अटक केली. ह्या प्रकरणांत पुलिसांनी दोन व्हडीं, एक जेसीबी, सात ट्रक आनी १.३२ लाख रुपयांची रेंव जप्त केल्या.
पंचवाडी, शिमेर वाठारांत जुवारी न्हंयची रेंव काडपाची म्हायती पुलिसांक मेळ्ळी. ते प्रमाण हार्बर किनारी पुलीस निरीक्षक प्रदीप वेळीप हांच्या मार्गदर्शनाखाला सोमारा हांगा छापो घालून एन्टोनी पिंटो (३५, सांवड्डें), हरीचंद्र नायक (६२, पोरणें गोंय) आनी रवींद्र गांवकार (५३, सांगें) ह्या तिगांक अटक केल्या. हे विशीं हवालदार जयेश तारी हांणी कागाळ केल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
