भांगरभूंय | प्रतिनिधी
मुरगांव, प्रतिनिधी: वास्को पुलीस घुंवळे वखदां आड आपली मोहीम येसस्वीपणान राबयता. बिरेस्तारा नवेंवाडें वाठारांत छापो घालून दुबावीत आरोपी सनी शंकर केवट (२१) हांचे कडल्यान सुमार १ किलो २० ग्राम गांजो जप्त केलो. धरिल्ल्या गांज्याची किंमत १ लाख २० हजार रुपया आशिल्ल्याची म्हायती वास्को पुलीस निरीक्षक कपिल नायक हांणी दिली.
वास्को पुलीस स्टेशनाचे पुलीस निरीक्षक कपिल नायक हांणी, बिरेस्तारा रातचें नवेवाडें वाठारांत घुवळे वखदां बाळगिल्ले खातीर मूळ उत्तर प्रदेश हांगचो सनी केवट हाका ताब्यांत घेतलो. रातचो सांपळो रचून वास्को पुलीस उपनिरीक्षक रोहन नागेशकार, हवालदार संतोष भाटकार, पुलीस शिपाय पुरुषोत्तम नायक, रविंद्र रुद्रकळ आनी हेरांच्या सहकार्यान आरोपी सनी हाका गांज्या सयत धरलो. गांजो बाळगिल्ले खातीर उत्तर प्रदेशचे सनी केवट हाका अटक करून ताचे आड घुवळे वखदां कायद्या खाला २० (ल) (॥ (इ) गुन्यांव दाखल केल्ल्याची म्हायती पुलीस निरीक्षक नायक हांणी दिली. हे विशीं फुडलो तपास पुलीस उपनिरीक्षक मयुर सावंत करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
