दिवचलच्या सेतू संगमाचेर खून
भांगरभूंय | प्रतिनिधी
दिवचल, प्रतिनिधी : दिवचलच्या सेतू संगमाचेर आयज (बुधवार) सकाळीं एक मनीस मेल्ले अवस्थेंत मेळ्ळो. रमेश गवळी (35) अशें ताचें नांव आसून तो बेळगांव- कर्नाटकांतलो.
मेळिल्ले म्हायती प्रमाण, चाकवान हल्लो करुन ताचो खून जाल्ल्याचे दिसून आयलां. रातच्या वेळार ताचो खून केल्ल्याचो अदमास पुलिसांनी उक्तायला. ताच्या आंगार चाकवाचे वार आसात.
तो कोयर एकठांय करपाचें काम करतालो आनी सेतू संगमाचेर रावतालो. दिवचल पुलीस फुडली चवकशी करतात. ते खातीर सुण्यांच्या पंगडाचीय मजत घेतले.
गोंयांत हालीं सराक खुनाचेय प्रकार वाडल्यात. हालींच करमळे चंद्रिका उर्फ गब्बर सहानी हाची कूड मेळिल्ली. ताका ताच्याच चुलत भाव आनी ताच्या मावडच्यांनी मारला असो दुबाव आसा. गब्बर हो पर्वरे रावतालो, पूण तो मूळ उत्तर प्रदेशांतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
