भांगरभूंय | प्रतिनिधी
हॅश ऑयल प्रकरणांत कुडचड्यार एकल्याक अटक
केपें: टांकी-शेल्ड्यां दोन दुचाकी मदीं जाल्ल्या अपघातांत तीग जाण जखमी जाले. एकल्याक गोमॅकाँत जाल्यार दोग जाणांक जिल्हो हॉस्पिटलांत दाखल केल्यात. मजगतीं, कुडचडें पुलिसांनी युनूस माताजी (25) हाका अटक केल्या. ताचे कडल्यान 35 हजार रुपयांचे हॅश ऑयल जप्त केलां.
शेनवारा रातीं 9.30 वरांच्या सुमाराक टांकी शेल्ड्यां दोन दुचाकी मदीं जाल्ल्या अपघातांत तीग जाण जखमी जाले. एकल्याचेर गोमॅकाँत उपचार सुरू आसात. जाल्यार दोग जाण जिल्हो हॉस्पिटलांत उपचार घेतात. ह्या अपघाताचो फुडलो तपास केपें पुलीस करतात.
दुसरे एके घडणुकेंत कुडचडें पुलिसांनी शेळवण हांगाच्या युनूस माताजी (25) हाका फांतोडेर 3 वरांच्या सुमाराक रंगेहाथ धरलो. ताचे कडल्यान 35 हजार रुपयांचें हॅश ऑयल जप्त केलें. हाचे पयलीं लेगीत ताका घुंवळे वखदां प्रकरणांत अटक केल्ली.
कुडचडें पुलिसांनी गुन्यांव नोंद करून फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
