भांगरभूंय | प्रतिनिधी
आतां हायड्रोजनाच्या सोदांत
बंगळुरू, खबरां संस्था : भारताच्या चंद्रयान-३ मिशन विक्रम लँडराची सॉफ्ट लँडींग येसस्वीपणान पुराय जाल्या. विक्रम लँडरांतलो प्रज्ञा रोव्हर चंद्राच्या पृश्ठभागाचेर भोंवता. मजगतीं चंद्राच्या दक्षीण ध्रुवाचेर सल्फर, ऑक्सिजनाचे पुरावे मेळ्ळ्या. हायड्रोजनाचो सोद सध्या चालू आसा.
इस्त्रोन ट्विटराचेर पोस्ट करून म्हायती दिली. इस्ट्रोन आपल्या पोस्टांत बरयलां, ‘चंद्राच्या दक्षीण ध्रुवाचेर शास्त्रीय संशोधन चालू आसा. प्रज्ञा रोव्हराचेर आशिल्ल्या लेसर इंड्यूस्ड ब्रेकडावन स्पॅक्ट्रोस्कोप उपकरणांतल्यान चंद्राच्या दक्षीण ध्रुवाचेर गंधकाचे पुरावे मेळ्ळ्यात’.
इस्त्रोन पोस्टांत बरयलां, ‘चंद्राच्या दक्षीण ध्रुवाचेर वैज्ञानीक सोद चालूच आसात. प्रज्ञान रोव्हराचेर लेझर इंड्यूस्ड ब्रेकडावन स्पेक्ट्रोस्कोप इन्स्ट्रुमेंटा वरवीं चंद्राच्या दक्षीण ध्रुवाचेर सल्फराचे पुरावे मेळ्ळ्यात’. तशेंच ‘Al, Ca, Fe, Cr, Ti, Mn, Si आनी O (ऑक्सीजन) हाचोय सोद लागला. आतां हायड्रोजनचो सोद सुरू आसा. LIBS इन्स्ट्रुमेंट इलेक्ट्रो-ऑप्टीक्स सिस्टम्स बेंगळुरूचे प्रयोगशाळेंत विकसीत केलां अशीय म्हायत दिली.
मजगतीं, चंद्राच्या दक्षीण ध्रुवाचेर सल्फराचे पुरावे मेळ्ळ्यात. ऑर्बिटाचेर उपकरणां वरवीं सोद घेवप शक्य नाशिल्लें. दक्षीण ध्रुवा लागसारच्या चंद्राच्या पृष्ठभागाचेर हो प्रयोग केलो, अशें इस्रोन म्हणलां.
‘प्रज्ञान रोव्हर’चे वाटेर व्हड फोंडकूल
‘प्रज्ञान रोव्हर’ फाटल्या कांय दिसां सावन चंद्राच्या पृष्ठभागाचेर भोंवता. ह्याच ‘प्रज्ञान रोव्हर’ वरवीं खुबशी नवी म्हायती मेळटा. हें रोव्हर भोंवतना ताचे मुखार ४ मिटर लांब फोंडकूल आशिल्ल्याची घडणूक घडली. उपरांत रोव्हराक नव्या मार्गान व्हेलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
