भांगरभूंय | प्रतिनिधी
प्रतिनिधी : वास्को: वास्कोच्या गोंय शिपयार्डा वतीन तटरक्षक दळा खातीर बांदपी चार वेगवान गस्ती नौका बांदपाचो आरंभ तशेंच गोंय शिपयार्डच्या एकत्रिकृत भांडार संकुलाचें उक्तावण संरक्षण सचीव गिरीधर आरमान हांचे हस्तुकीं जालें. ह्या वेळार तटरक्षक दळाचे महासंचालक प्रकाश पाल, गोंय शिपयार्डचे अध्यक्ष आनी वेवस्थापकीय संचालक ब्रजेश कुमार उपाध्याय, पुलीस महासंचालक जसपाल सिंग, नौदळाच्या गोंय विभागाचे ध्वजाधिकारी रिअरअडमिरल अजय थिओफिलस्, तटरक्षक दळाच्या पश्चीम विभागाचे महानिरीक्षक मनोज बाडकार, महानिरीक्षक एच.के शर्मा, गोंय शिपयार्डचे संचालक कॅप्टन (निवृत्तः) जगमोहन आनी हेर मानेस्त हाजीर आशिल्ले.
भारतीय तटरक्ष दळा खातीरच्यो ह्यो बोटी गोंय शिपयार्डच्या इन-हावज डिझायनाचेर आदारून आसा. बोटीची लांबाय ५१.४३ मिटर, रुंदाय ८ मिटर, मसुदो २.१५ मिटर (अंदाज) आसतलो. बोटीर सात अधिकारी आनी ३५ सैनिकां खातीर कंपार्टमेंटांची वेवस्था केल्या. बोटीर दोन इंजिनां बसयतले. हाचो चडांत चड २७ दयार मैल वेग आसतलो.
उपाध्याय हांणी भारतीय तटरक्षक दळाच्या अखंड सहकार्या विशीं उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
