भांगरभूंय | प्रतिनिधी
कारवार ः गोंयकांराक नुस्ते खाल्ले बगर दोन घांस लेगीत वचनात, म्हणटात हे खरें. तार्ले, बांगडे, इसवण, कल्ली, पापलेट, गांवठी आदि वेगवेगळ्या प्रकाराचें नुस्तें गोंयांत मेळटात. कारवार लागसारच्या दर्यांत 48 सेंमी लांब आनी 12 सेंमी रुंदायेचो बांगडो मेळ्ळो.
हो व्हडलो बांगडो सगळेकडेन चर्चेचो विशय जाला. कारण ह्या बांगड्याची लांबाय 48 सेंमी आनी रुंदाय 12 सेंमी इतली आसा. म्हणल्यार ताचें वजन सुमार 1 किलो 230 ग्राम आसा. ह्या आकाराचो बांगडो मेळपाची ही पयलीच खेप.
हो बांगडो नुस्तेमारांनी तरणाटे फुडारी विनायक हरिकम हांचे कडेन दिलो. ते उपरांत फुडल्या अभ्यासा खातीर ताका समुद्री जीवशास्त्र पीजी सेंटरांत धाडला. जिज्ञासू लोकांक आतां हो बांगडो पळोवपाक मेळटलो. केंद्रीय दर्या नुस्तेमारी संशोधन केंद्राच्या अधिकाऱ्यांनी ह्या दुर्मिळ बांगड्याची तपासणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
