भांगरभूंय | प्रतिनिधी
पणजी : प्रतिनिधी: गोंयची जलतरण खेळगडी कात्या कोएलो हिचो आशियाई सर्तींत आस्पाव जावचो देखून गोंय सरकाराचें झुजा पांवड्याचेर यत्न चालू आसात. निमाणें तिचो आशियाई सर्तीच्या पांगडांत आस्पाव जावंकूच ना, देखून राज्याच्या खेळां मळार निर्शेवणी पातळ्ळ्या.
भारताच्या २०० खेळगड्यां मदीं कत्या कोएलो हांचो आस्पाव जावचो म्हणून खेळां मंत्री गोवींद गावडे हांणी केंद्रीय खेळां मंत्रालय सचिवांक पत्र बरयलां. भारतीय ऑलिम्पीक संघटणेच्या पदाधिकार्यां कडेन चर्चा केल्या, अशें खेळां मंत्री गोवींद गावडे हांणी सांगलें.
मुख्यमंत्री डॉ. प्रमोद सावंत हांणी केंद्रीय खेळां मंत्री अनुराग ठाकूर हांचे कडेन चर्चा केल्या, अशें तांणी सांगलें. आशियाई खेळां सर्त चिनांत जावपाची आसा. कात्या कोएलो हिचेर अन्याय जाला. हो अन्याय पयस करपाची मागणी आमदार कार्लोस फेरेरा हांणी केल्या.
मुख्यमंत्री डॉ. प्रमोद सावंत हांणी ह्या प्रकरणांत हस्तक्षेप करपाची मागणी केल्ली. हे मागणे उपरांत आतां गोंय सरकारान कात्याचो आस्पाव संघांत जावचो, म्हणून येत्न सुरू केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
