ओणम जालो सुरू
भांगरभूंय | प्रतिनिधी
आयज म्हळ्यार २९ ऑगस्टाक दक्षीण भारतांतलो मुखेल सण आशिल्लो ओणम सुरू जालो. ओणम, जाका मलयाळम भाशेंत ‘तिरुवोनम’ अशेंय म्हण्टात. हो १० दिसांचो उत्सव २० ऑगस्ट सावन सुरू जाल्लो. शेतांत बरें पीक घेवपा खातीर ओणम ही परब मनयतात.
अशें म्हणटात, केरळांत महाबली नांवाचो एक राजा आशिल्लो. ताच्या सन्मानान ओणम उत्सव मनयतात. तशेंच हो उत्सव भगवान विष्णू हांच्या वामन अवताराक ओंपतात.
ओणम ही परब शिंघम म्हयन्यांत मनयतात. मल्याळम लोक शिंघम हो वर्साचो पयलो म्हयनो मानतात. दुसरे वटेन हिंदू कॅलेंडरा प्रमाण शिंघम म्हयनो अंदूं १७ ऑगस्ट ते १६ सप्टेंबर मेरेन मनयतात. ओणमच्या दरेका दिसाक विशेश म्हत्व आसा. ह्या उत्सवांत लोक १० दीस फुलांनी घर सजयतात. तशेंच विधी प्रमाण भगवान विष्णू आनी महाबलीची पुजा करतात. ओणम ही परब नव्या पिकाच्या येवकाराची.
ओणमच्या दिसा सकाळीं देवळांत वचून भगवान विष्णुची पुजा करतात. ही परब दानवीर राजा बाळीक मान दिवपा खातीर मनयतात. दक्षीण भारतांतल्या लोकांचो असो विस्वास आसा, ओणमच्या पयल्या दिसा राजा बळी पाताळ लोकांतल्यान धर्तरेर येता आनी तांकां सांबाळटात. देखून दक्षीण भारतांतले लोक ही परब भक्तीभावान मनयतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
