भांगरभूंय | प्रतिनिधी
भांगरभूंय । प्रतिनिधी
मुरगांवः वास्को शारांत कसलेय तरेच गुंडगिरी खपोवन घेवचे नात. वेळ पडल्यार पुलीस व्हडले गूंड जावन स्वताक दादा समजून गुंडगिरी करून लोकांक सतावपी लोकांक बुद्द शिकयतले अशी शिटकावणी वाल्को पुलीस स्टेशनाचो पुलीस निरीक्षक कपील नायक हांणी दिल्या. वास्को शारांत क्षेत्र वर्चस्व उपक्रमाची पळोवणी केल्या उपरांत ते पत्रकारां कडेन उलयताले.
वास्कोंत गुंड नात हें आमी लोकांक सांगपाक सोदतात. जे गुन्यांव करतात आनी लोकांक त्रास करतात ताकां आडावपा जाय जाल्यार पुलीस गुंड जावपाक शकतात, गुन्यांव करतल्यांक आमी सोडचे नात अशें कपील नायक हांणी सांगलां,
गुन्यांवगिरीचेर नियंत्रण हाडपा खातीर वास्को पुलिसांनी गस्त वाडयल्या. हांव पुलीस पंगडा वांगडा मांगूर, नवें वाडें. साईनदर,आनी शांतीनगर वाठारांत रातच्या वेळार फिरतात, मध्यान राती ह्या वाठारांनी गुंड प्रवृत्तीचे तरणाटे फिरतात. सोरो पिऊन मस्ती करपी लोकांचेर आमची नदर आसा अशी म्हायती तांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
