भांगरभूंय | प्रतिनिधी
दक्षीण कोलकाताच्या ताराताला ट्रान्सपोर्ट डेपो लागसार, बुधवारा दनपरां सुमार १२:०७ वरांचेर बांदकाम चालू आशिल्ली एक शेड कोसळ्ळी. हे घडणुकेंत आतां मेरेन पांच जाणांक मरण आयलां. राशी पोंदाक आडकल्ल्या २० जाणाक भायर काडले. तातुंतले दोग जाण आयसीयूंत आसा. जाल्यार हेर १८ जाणांची भलायकी बरी आसा.
घडणुके सुवातेर हाजीर आशिल्ल्या एका तरणाट्यान आडकल्ल्या मजुराचो पांय धरून रावून रेस्न्यु पंगडाक ताची सुवात सोदपाक मजत केली. हाका लागून पंगडाक ताका सोदप शक्य जालें. त्या तरणाट्यान सांगलें, दुखीन वळवळपी तो मजूर सेगीत म्हणटालो, म्हजो पांय गेलो. गरज पडल्यार म्हजो दुसरोय पांय कापून म्हाका हांगच्यान भायर काडात आनी म्हजो जीव वाटयात.
अधिकार्यांनी दिल्ले म्हायती प्रमाण, ह्या अपघाता वेळार गुदांवांत नेमके कितले लोक हाजीर आशिल्ले हाची म्हायती आजूनय मेळूंक ना. निश्काळजीच्या आरोपाखाला तिगांक अटक केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
