भांगरभूंय | प्रतिनिधी
अन्न आनी वखदां प्रशासनान घाली पेडे विक्रेत्यांचेर धाड
शिर्डी: शिर्डीक अन्न आनी वखदां प्रशासनाने (FDA) परत कारवाय करून साई देवळाच्या वाठारांतले खासगी पेडे विक्रेत्यांचेर धाड घाली. हे कारवाये मजगतीं सकयल्या दर्जाचे ५०० किलां परस चड पेडे जप्त केले.
चड म्हायती प्रमाण, कांय दिसां आदीं शिर्डीक विकपाक आशिल्ल्या पेढ्यांच्या नमुन्यांचो तपासणी अहवाल मेळिल्लो. ह्या अहवालांत कांय पेडे सामके निकृश्ठ दर्जाचे आशिल्ल्याचें उक्तें जाले उपरांत अन्न आनी वखदां प्रशासनान संबंदीत विक्रेत्यां आड कारवाय केली.
साई देवळांत भावीक व्हडा प्रमाणांत दर्शना खातीर येतात. हांगा प्रसाद म्हणून विकपी खावपाच्या जिन्नसांचे गुणवत्तेविशीं प्रशासन विशेश दक्षता घेतात. हेच फाटभूंयेर ही कारवाय केल्ल्यान जप्त केल्ले पेडे फुडल्या तपासा खातीर धाडल्यात.
मजगतीं, अन्न आनी वखदां प्रशासनाचे हे कारवायेक लागून पेडे विक्रेत्यांक कलकल सुटला. येवपी काळांत अशे तरेच्यो तपासण्यो आनी कारवायो आनीक वाडयतले अशी म्हायती मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
