यूपीएससी आयईएस, आयएसएस पदां खातीर अधिसुचोवणी जारी

भांगरभूंय | प्रतिनिधी

नवी दिल्ली, खबरां संस्था ः केंद्रीय लोकसेवा आयोगान (UPSC) 12 फेब्रुवारीक दिसा भारतीय अर्थीक सेवा (IES) आनी भारतीय सांख्यिकी सेवा (ISS) ह्या पदांचेर भरती करपा खातीर अधिसुचोवणी जारी केल्या. उमेदवार काल सावन म्हळ्यार 13 फेब्रुवारी सावन यूपीएससीच्या upsc.gov.in अधिकृत संकेतथळाक भेट दिवन अर्ज करपाक शकतात. अर्ज करपाची निमाणी तारीक 4 मार्च. हाचे खातीर दुरुस्तीचो वेळ 5 मार्च ते 11 मार्च मेरेन आसतलो.

म्हत्वाच्यो तारखो –
० अर्ज भरप सुरू: 13 फेब्रुवारी 2025
० निमाणी तारीख: 4 मार्च 2025
० दुरुस्तीचो काळ: 5 मार्च ते 11 मार्च 2025

वट्ट पदां 47 –
० भारतीय अर्थीक सेवा (IES): 12
० भारतीय सांख्यिकी सेवा (ISS): 35

पात्रतायेचे निकश –
० भारतीय अर्थीक सेवा (IES): अर्थशास्त्र, उपयोजित अर्थशास्त्र, वेवसाय उपयोजित अर्थशास्त्र वा अर्थशास्त्रांत पदव्युत्तर पदवी.
० भारतीय सांख्यिकी सेवा (ISS): सांख्यिकी, गणितीय सांख्यिकी वा उपयोजित सांख्यिकींत पदवी.

अर्ज कसो करचो –
० upsc.gov.in ह्या अधिकृत संकेतथळाक भेट दियात.
० मुखेल पानाचेर IES/ISS 2025 खातीर नोंदणी लिंकाचेर क्लिक करात.
० क्रेडेन्शियल्स भरात आनी नोंदणी करात.
० फॉर्म भरून शुल्क भरचें.
० एक प्रत डावनलोड करुन ताची प्रिंटआउट रेकॉर्डां खातीर दवरात.

भारत सरकारांतल्या केंद्र सरकार गट अ प्रशासकीय सेवांनी भारतीय अर्थीक सेवा (IES) आनी भारतीय सांख्यिकी सेवा (ISS) हांचो आस्पाव आसा. अर्थीक नियंत्रण आनी धोरण नियंत्रणा खातीर ह्यो सेवा गरजेच्यो आसात. हेर मंत्रालयां आनी सांख्यिकी खात्यांतल्यान नोकऱ्यो एकठांय करून आयएसएस तयार जाली, जाल्यार अर्थीक धोरणां तयार करपाक आनी चालीक लावपाक आयईएस तयार केली.