भांगरभूंय | प्रतिनिधी
म्हापशें, प्रतिनिधी : पेडणेंच्या क्रिएटीव्ह ऍट बेस्ट टेक्नोलॉजीस कंपनीच्या गुदांवांतल्यान २१ मोबायल फोन चोरयेक गेल्यात. तातूंतले १४ सांपडल्यात. ह्या प्रकरणांत पेडणें पुलिसांनी विराज वसंत वेंगुर्लेंकार (२२, सातर्डा- सावंतवाडी), श्रीधर अनिल राऊळ (२२, कवठणी- सावंतवाडी), वैभव अनिल सातार्डेंकार (२४, आरवली), हर्षल ज्ञानेश्वर गोवेंकार (२२, सातार्डें), गौरव चित्रसेन (२२, बाळोजीवाडी) हांकां अटक केल्या. चोरयेक गेल्ल्या मोबायलांचे मोल ४ लाख ८१ हजार २१५ रुपया अशें आसा. दुबावीत हे कंपनींत काम करतात.
आतां मेरेन तांचे कडल्यान १४ मोबायल जप्त केल्यात. जाचें मोल ३ लाख १० हजार अशी आसा. उरिल्ले ७ मोबायल मेळपाचे आसात. ह्या प्रकरणाचो तपास पुलीस उपनिरीक्षक नवनीत गोलतकार हांचे वांगडा हेड कॉन्स्टेबल तिर्थराज म्हामल, कॉन्स्टेबल प्रेमनाथ सावळ देसाय, येशुदास उगवेंकार, सचीन हळर्णकार आनी योगेश गांवकार हांणी केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
