भांगरभूंय | प्रतिनिधी
डॉ. ताहा हाजीक हांकां ‘सर्वोत्कृश्ट दिव्यांगजन’ पुरस्कार
पणजी : केंद्रीय दिव्यांग व्यक्ती सक्षमीकरण खात्या वतीन दिव्यांग व्यक्तीं खातीर काम करपी विवीध संस्था तशेंच व्यक्तींक दर वर्सा भेटोवन राष्ट्रीय पांवड्यावेले पुरस्कार जाहीर जाल्यात. गोंयच्या राज्य दिव्यांगजन आयोगाचे आयुक्त गुरुप्रसाद पावसकार आनी सचीव डॉ. ताहा हाजीक हांकां हे पुरस्कार जाहीर जाल्यात. पावसकार हांकां ‘सर्वोत्कृश्ट दिव्यांगजन आयुक्त’ आनी डॉ. हाजीक हांकां ‘सर्वोत्कृश्ट दिव्यांगजन’ हो राष्ट्रीय पुरस्कार फावो जालो.
१४ विवीध विभागांत हे पुरस्कार दितात. संवसारीक दिव्यांग दिसा निमतान ३ डिसेंबराक राष्ट्रपतींचे हस्तुकीं हे पुरस्कार भेटयतले. २०१७ आदीं ७ पद्धतीच्या दिव्यांगांक हे पुरस्कार दिताले. २०१७ उपरांत सरकारान दिव्यांगांचे वळेरेंत वट्ट २१ तरेच्या दिव्यांगांक आसपावन घेतल्यात.
फाटल्या कांय वर्सां सावन गुरूप्रसाद पावसकार हे दिव्यांग जन आयोगा वांगडा संजय स्कुलाची जापसालदारकी सांबाळटात. तशेंच डॉ. हाजीक हांणी विवीध दिव्यांगजन नोडल ऑफिसर म्हणून विवीध खात्यांनी काम केलां. ते संजय स्कुलाचे वांगडी सचीव आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
