भांगरभूंय | प्रतिनिधी
पणजी : पर्यटकांक त्रास दिवपाचे कागाळी वेल्यान पणजी पुलिसांनी कदंब बसस्टॅण्ड वाठारांत १० दलालांक ताब्यांत घेतले. मंगळारा हे विशीं पर्यटकां वतीन कागाळी नोंद जाले उपरांत पुलिसांनी कारवाय करपाक विशेश मोहीम चालीक लायल्या.
हे विशीं मेळिल्ले चड म्हायती प्रमाण, संबंदीत दलाल पर्यटकांक बळयां हॉटेल, टॅक्सी वा हेर सेवां खातीर तांचे फाटल्यान लागून तांकां सतायताले. हाका लागून पर्यटकांक त्रास सोंसचे पडटाले.
पुलिसांनी अचकीत धाड घालून ह्या दलालांक ताब्यांत घेतले. फुडली कायदेशीर कारवाय सुरू आसा. ह्यान फुडेंय अशे तरेच्या गजालींक आळो घालपा खातीर नेमान अशे तरेच्यो मोहिमो चालीक लायतले अशें पुलिसांनी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
