भांगरभूंय | प्रतिनिधी
पणजी: गोंयां खातीर अभिमानाचो आनी इतिहासीक खीण मनोवपाचो वेळ आयल्या. मिस इंडिया किताब जिखून गोंयचें नांव वयर काडपी साध्वी सतीश सैल फाल्यां घरा परतता.
राष्ट्रीय पांवड्यार गोंयचें प्रतिनिधित्व करतना साध्वी सैलान सौंदर्य, बुद्धिमत्ता, मेहनत आनी उत्कृश्ट कामगिरीक लागून राज्याचो अभिमान वाडयला. तिच्या ह्या येसाक लागून गोंयांक सगले कडेन उमेदीचें वातावरण आसा. विशेश म्हळ्यार तरणाटीं आनी बायलां खातीर तें एक प्रेरणा दिवपी उदाहरण थारलां.
साध्वी ३० एप्रिलाक दनपरां १२:४० वरांचेर दाबोळे विमानतळाचेर पावतलें. हांगा तिका येवकार दिवपाक तिच्या घरचीं, इश्ट परिवार, बरें मागपी आनी समर्थक हाजीर रावतले. उपरांत विमानतळा पसून श्रीदामोदर देवस्थान मेरेन व्हड मिरवणूक काडटले. तशेंच तें गोंयांत आयले उपरांत विवीध कार्यावळींचेंय आयोजन केलां. ३० एप्रिलाक ७:३० वरांचेर तिचे खातीर पत्रकार परिशदेचें आयोजन केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
