भांगरभूंय | प्रतिनिधी
खबरां संस्था
मुंबयः भारतीय क्रिकेट पंगडांतलो अश्टतासी खेळगडो हार्दिक पंड्या सध्या सामकी बरी कामगिरी करता. आयपीएलाच्या 15व्या सिझाना सावन तो बऱ्या फॉर्मांत आसा. इंग्लंडा आडची तिसरी वन-डे ताणे भारताक जिखून दिली. तरीय सध्या ताच्या निवृत्तीची चर्चा सुरू जाल्या. भारतीय पंगडाचो आदलो प्रशिक्षक रवी शास्त्रीच्या वक्तव्या उपरांत पंड्याचे निवृत्तीची चर्चा रंगपाक लागल्या. 2023च्या संवसारीक वन-डे सर्ती उपरांत हार्दिक निवृत्त जावपाक शकता अशें शास्त्रीन सांगलां.
काय दिसां पयलीं इंग्लंडाचो आश्टतासी खेळगडो बेन स्टोक्सान पिरायेच्या 31व्या वर्सा वन-डेतल्या निवृत्ती घेलती. ते उपरांत कमी पिरायेचेर खेळगडे क्रिकेट कित्याक सोडटात, ह्या प्रश्नाचेर जायत्या आदल्या खेळगड्यांनी आपापली भूमिका मांडल्या. क्रिकेटीच्या व्यस्त वेळापत्रकाक लागून खेळगड्यांचेर चेंपण येता अशें आदल्या खेळगड्यांचे म्हणमे आसा. त्याच मुद्द्याचेर रवी शास्त्री हांणी आपलें मत मांडलां.
फुडाराक हार्दिक पंड्या आपलें पुराय लक्ष टी-20चेर दिवपाक शकता. फकत हार्दिक न्हय जाल्यर फुडाराण जायते खेळगडे फकत एकाच फॉर्मेटाक प्राधान्य दिवपाक शकतात. हार्दिकाक टी-20 खेळपाचें आसा. हे विशीं ताचे विचार स्पश्ट आसात. ताका लागून फुडल्या वन-डे संवसारीक करंड सर्तीं उपरांत तो निवृत्ती घेवपाक शकता, अशें शास्त्रीन एक नेमाळ्याक दिल्ले मुलाखतींत म्हणला. फुडाराक फ्रँचायझी क्रिकेटचें वर्चस्व आसतले ही वस्तुस्थिती कडेन आडददर करपाक जायना. क्रिकेटीयरांक संवसारीक लिगांत खेळपा पसून आडपाक जायना तो मेरेन सगले देश आंतरराष्ट्रीय क्रिकेटचें वेळापत्रक कमी करनात तो मेरेन क्रिकेटीयर एकद्रो फॉर्मेट सहज सोडटना दिसतले अशें शास्त्रीक दिसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.