भांगरभूंय | प्रतिनिधी
कामगारांं खातीरच्या ५ येवजण्यांचें उक्तावण
पणजी : कामगाराक अपघाती मरण आयल्यार विमा येवजणे खाला ताका ५० हजारांंची अर्थीक भरपाय मेळटली जाल्यार जखमी जाल्यार २५ हजारांंची भरपाय मेळटली. राज्यांत १ लाख ४० हजार कामगारांंची नोंंदणी जाल्या. येवजण्यांचो लाव घेवपा खातीर कामगारांंनी मजूर खात्या कडेन नोंंदणी करची, असो उलो मुख्यमंंत्री डॉ. प्रमोद सावंंत हांंणी मारलो.
कामगार दिसा निमतान मजूर खात्या वतीन लोकभवनांत सरकारी कार्यावळ जाली. कामगार खात्याचे मंंत्री बाबूश मोन्सेरात तशेंच हेर मानेस्त कार्यावळीक हाजीर आशिल्ले. खासगी कंंपन्यांंनी २० वर्सांं परस चड वर्सां काम केल्या निवडक कामगारांंचो हे वेळार भोवमान जालो. कामगारांं खातीर पांच नव्या येवजण्यांची घोशणा मुख्यमंंत्र्यांंनी ह्या वेळार केली.
देशाच्या तशेंच राज्याचे उदरगतींत कामगारांंचें व्हड योगदान आसा. आत्मनिर्भर भारता सयत २०३७ मेरेन विकसित गोंंयचे उद्दीश्ट साध्य करपा खातीर कामगारांंच्या योगदानाची गरज आसा. सरकारी कर्मचार्यांं प्रमाण आता खासगी कंंपन्यांंनी लेगीत बरो पगार मेळटा. खासगी कंंपन्यांंनी २० वर्सांं परस चड काम केल्ल्या सगल्या कामगारांचो ह्यान फुडें भोवमान जातलो. राज्यांत दोन प्रकारचे कामगार आसात. विवीध कारखान्यांंनी काम करपी कामगार आनी बांंदकाम वाठारांत काम करपी कामगारांंची स्वतंंत्र नोंंदणी आसा.
कामगारांं खातीर डिजीटल साक्षरताय कार्यावळ, जाण्टेल्यांंक वैजकी उपचार भरपाय, आयआयटी, नीट सारख्या परीक्षांक कोचिंंगा खातीर अर्थीक मजत, उंचेल्या शिक्षणा खातीर ट्युशन फी माफ करपी येवजण जाहीर जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
