भांगरभूंय | प्रतिनिधी
कॉलेस्ट्रोल उपरांत आनीक एक गंभीर दुयेंस म्हळ्यार युरिक ऍसीड. कुडींत युरिक ऍसीड वाडल्यार संधिवात जाता. युरिक ऍसीड हो कुडींत तयार जावपी विखारी पदार्थ मुत्रपिंडांतल्यान गाळून मुतांतल्यान सहज भायर सरता. खरी समस्या म्हळ्यार युरिक ऍसीड तयार जावप न्हय, तर युरिक ऍसीड कुडींतल्यान भायर सरप. प्युरीन अन्न पदार्थ चड खाल्यार रगतांत युरिक ऍसीडची पातळी वाडटा आनी क्रिस्टलचेंय प्रमाण वाडटा. हे क्रिस्टल्स सांध्यांत जमा जातात आनी खूब दुखता. इतलेंच न्हय, ह्या क्रिस्टलांक लागून दुयेंतींक उबे रावपाक आनी बसपाकय कठीण जाता. पांयांचीं बोटां, तळवे दुखपाक लागतात.
एम्साचे आदले सल्लागार आनी शौल हार्ट सेंटराचे संस्थापक आनी संचालक डॉ. बिमल झांजर हांणी, ज्या लोकांक युरिक ऍसिड चड प्रमाणांत आसता तांणी आहारांत व्हिटॅमिन सी आनी फायबर भरपूर आशिल्लें अन्न खावचें अशें सांगलें. पोशणशास्त्रज्ञांच्या मतान कांय खाणां खाल्यार युरिक ऍसिडाची पातळी नियंत्रणांत दवरपाक आदार जाता.
ज्या लोकां मदीं युरिक ऍसिड चड प्रमाणांत आसता तांकां जेवणांत पाचवीं पानां आशिल्ली भाजी, दुदी आनी ब्रोकोली खावची पडटा. ह्या भाजयांनी फायबर भरपूर आसता. तशेंच स्प्रावट्स आनी कॅप्सिकम सारकिल्ल्या कांय भाजयांनी व्हिटॅमिन सी भरपूर प्रमाणांत आशिल्ल्यो भाजयो युरिक ऍसिड नियंत्रणांत दवरपाक मदत करता.
हीं फळां खायात!
व्हिटॅमिन सी भरपूर प्रमाणांत आशिल्लीं चेरी आनी किवी खाल्यार युरिक ऍसिडाची पातळी नियंत्रीत करपाक फायद्याची थारता. ह्या फळांत व्हिटॅमिन सी, व्हिटॅमिन ई आनी फोलेट आसता जें कुडींत जमिल्लें युरिक ऍसिडाचें प्रमाण काडून उडयता.
हें पेय पिवचें
युरिक ऍसिडाची पातळी चड आशिल्ल्या लोकांनी आहारांत लिंबाचें उदक, सफरचंदाचो व्हिनेगर, चेरीचो रोस, काळींग आनी तवश्यांचो रोस पियेवचो. हे रोस रोगप्रतिकार शक्त घटमूट करतात आनी युरिक ऍसिडाची पातळी नियंत्रणांत दवरपाक मजत करता.
तुपमिरयां खावप
ज्या लोकांक युरिक ऍसिडाचो प्रॉब्लेम आसा तांणी तुपमिरयां खावप. तुममिरयां भरपूर वखदी आसता. एका पेल्यांत तुपमिरयां घालून तीं उकडचीं आनी तें उदक गाळून पिवचें. हें उदक तुमकां १० दिसां भितर युरिक ऍसिड नियंत्रणांत हाडपाक मजत करतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
