भांगरभूंय | प्रतिनिधी
-महसूल गुप्तचर संचालनालयाची कारवाय
पणजीः भांगरा तस्करी रिंगचो मुखेल मास्टरमाइंड नवीन कुमार रामालिंगम हाका महसूल गुप्तचर संचालनालयाच्या बंगळुरू आनी गोंय विभागाच्या अधिकाऱ्यांनी वेरे-पिळर्ण हांगाच्या एका व्हिलाचेर धाड घालून अटक केली. ह्या प्रकरणांत डीआरआयन अटक केल्ल्या दुबावीत नवीन कुमाराक ट्रांझीट रिमांडाचेर फुडें बंगळुरू व्हेलो. थायलंडांतल्यान भांगर-रुप्याची तस्करींत तो घुस्पिल्लो आनी डीआरआयन ताचे कडल्यान 3.15 कोटी रुपया मोलाचें 4.5 किलो भांगर, रुपें आनी परकी चलन जप्त केलें.
———
मुख्य सूत्रधार नवीन कुमार रामालिंगम आवय आनी भयणीक अटक
बँकॉकांतल्यान व्हड प्रमाणांत भांगर आनी रुपें व्हरतात अशी म्हायती गुप्तचरांनी डीआरआयच्या बंगळुरू विभागाक दिली. ते प्रमाण डीआरआयन 22 डिसेंबर 2023 दिसा बंगळुरूच्या कॅम्पेगोवडा आंतरराष्ट्रीय विमानतळार सापळो रचलो. त्या वेळार बँकॉकांतल्यान आयिल्लो बेंगळुरूचो आर. इंद्रायणी आनी महेश्वरी रामालिंगम ह्या आवय आनी धूव हांचेर दुबाव घेवन ताब्यांत घेवन चवकशी केली. त्या वेळार ताचे कडल्यान 1.10 कोटी रुपया मोलाचें 1.6 किलो भांगर मेळ्ळें. ते जप्त करून डीआरआयन दोगांकय ताब्यांत घेतले. तशेंच ताची चवकशी करतना त्या भुरग्यान ताका बँकॉक भोंवडे खातीर धाडला अशी म्हायती दिली. भांगराच्या तस्करी विशीं कितेच म्हायती नाशिल्ल्याचे तांणी सांगलें. उपरांत आवय आनी चलयेक अटक करून न्यायालयीन ताब्यांत धाडली. मजगतीं, डीआरआयन बेंगळुरूंतल्या ताच्या घराचेर धाड घाली आनी ताका व्हड प्रमाणांत भांगर, रुपें आनी परकी चलन मेळ्ळें.
—————–
डीआयआरान 17 मार्च 2024 दिसा बेंगळुरूच्या कैम्पेगौडा आंतरराष्ट्रीय विमानतळार गुप्तचर म्हायती वयल्यान सांपळो रचलो. त्या वेळार बँकॉकांतल्यान आयिल्ल्या बंगळुरूच्या दीपक कुमार उ, नागेद्र कृष्ण, सिंधू कुलकर्णी आनी वेदवती नागप्पा ह्या चार प्रवाशांक ताब्यांत घेवन चवकशी केली. त्या वेळार ताचे कडल्यान 1.10 कोटी रुपया मोलाचें 1.6 किलो भांगर मेळ्ळें. उपरांत डीआरआयन ते जप्त करून चार जाणांक अटक केली. तशेंच ताची चवकशी करतना नवीन कुमार रामालिंगम नांवाच्या मनशान ताका बँकॉक धाडला अशी म्हायती मेळ्ळी. ते खातीर सगळो खर्च आपूण भरलो अशी म्हायती ताणें दिली. उपरांत डीआरआयन ह्या चार जाणांक अटक करून न्यायालयीन ताब्यांत धाडले. उपरांत भांगराच्या तस्करी प्रकरणांत अटक केल्ल्या स जाणांक 25 मार्च 2024 दिसा बेंगळुरूच्या अर्थीक गुन्यांव न्यायालयान सशर्त जामीन दिलो.
————-
मुख्य सूत्रधर नवीन कुमार रामालिंगम तीन वेगवेगळे मोबायल फोन वापरतालो
ह्या प्रकरणांत फुडले चवकशे उपरांत नवीन कुमार रामालिंगम वयल्या अटक केल्ल्या दुबाविता कडेन संपर्क करपा खातीर तीन वेगवेगळे मोबायल नंबर आनी मोबायल फोन वापरतालो अशें दिसून आयलें. डीआरआयन मोबायल नंबराची फुडली चवकशी करतना ह्या गटाचो मुखेल मास्टरमाइंड गोंयांतल्यान भांगराची तस्करी रॅकेट चलयता अशें कळ्ळें.
————–
गोंयांत कारवाय करून मुख्य सुत्रदार नवीन कुमार रामालिंगमाक अटक
डीआरआयच्या बेंगळुरू विभागान गोंय विभागा खातीर एक पंगड तयार केलो. तातूंत दिनेश कुमार एस, पवन जायसवाल आनी हेर अधिकारी हांचो आस्पाव आशिल्लो. 6 एप्रील 2024 दिसा सकाळीं 6.30 वरांचेर पिलार्ना-वेरे हांगाच्या हावसिंग सोसायटींतल्या ताच्या फ्लॅटाचेर धाड घाली, जंय मास्टरमाइंड नवीन कुमार रामालिंगम रावतालो. हे खेपे ताणें दार उगडपाक न्हयकार दिलो आनी सकाळीं 10.30 मेरेन अधिकारी दाराचेर ठाण मांडून रावले. मजगतीं, दुबावीत मास्टरमाइंड नवीन कुमार रामालिंगम हांणी पयल्या माळये वयल्यान उडी मारून पळून वचपाचो यत्न केलो, पूण त्या वेळार तो जखमी जालो आनी ताचेर हॉस्पिटलांत उपचार जाले. उपरांत आयतारा सकाळीं ताका ट्रांझिट रिमांडा खातीर पणजेच्या पयलो वर्ग न्यायालयांत हाडलो. साक्षीदारांची गवाय न्यायालयांत नोंद जाली. न्यायालयान दुबावीत नवीन कुमार रामालिंगमाक दोन दिसांचो ट्रांझिट रिमांड दिलो. ते प्रमाण डीआयआरान दुबावीत नवीन कुमार रामालिंगमाक बेंगळुरू व्हेलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
