भांगरभूंय | प्रतिनिधी
फोंडें, प्रतिनिधी : मोल्यां बाजारांत शेनवारा रातच्या सुमार १०.३० वरांचेर अनवळख्यांनी बेवारशी स्थितींत दवरिल्लो साबार तरांचो सोरो सांपडलो. हो २६ लिटर सोरो कुळें पुलिसांनी जप्त केला. ताचें मोल ६,३५५ रुपया आसा.
मेळिल्ले म्हायती प्रमाण, शेनवारा रातचे गस्तीचेर आशिल्ल्या पुलिसांक बाजारांत एक बॅग उडयिल्ली मेळ्ळी. तिची तपासणी केली तेन्ना सोरो मेळ्ळो. निरीक्षक सगुण सावंत हांच्या मार्गदर्शना खाला पंचनामो करून सोरो सांगें अबकारी अधिकार्या कडेन दिला. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.