भांगरभूंय | प्रतिनिधी
श्रमाक लागून सुख, समृद्धी आनी समाधान मेळटा. मानसीक श्रमांतल्यान क्रांती जाता. श्रमाक लागून मनशाच्या जिवितांत सुख निर्माण जाता. श्रमांतल्यान मेळिल्ले भाकरीची रुच अमृता परस गोड आसता.
स्वताचें नशीब घडोवप मनशाचे शक्ती भायर न्हय. थारायल्यार तें करूं येता. ना अशें थारायल्यार तो निश्क्रीय उरूंक शकता वा कांयच करूंक शकना. स्वताचें नशीब उजवाडाक हाडपाक जाय जाल्यार नशीबाचेर न्हय तर तुमच्या चारित्र्याचेर, वागणुकेचेर आनी तुमी करतात त्या कामाचेर आदारून रावचें. मनीस हो स्वताच्या नशिबाचो शिल्पकार.
नशिबाक दोश कित्याक दिवपॉ? कोणय एक मनीस संकश्टांत पडल्यार आडवाद सोडून हेर कोणूच त्या मनशाक आदार दिवपाचें धाडस करिना. काळखांतली ताची सावळी लेगीत आपली सोबितकाय सोडून वता, आमचें नशीब दर्या इतलें खोल आनी रूंद आसता, पूण आमच्या कर्तुबांचीं आयदनां ल्हान. मनशाची कामगिरी अपुर्ण आसल्यार ताचो कांयच उपेग जायना. आमचें नशीब आमचे वांगडा आसचें जाल्यार आमची कामगिरी व्हडली आसूंक जाय. कारण साध्यताये वांगडा आमचें नशीब वाडटा, थारायल्यार सगळें घडटा. स्वताच्या नशिब घडोवपाक जाय जाल्यार स्वतः भितरले दोश कळपाक जाय.
संकश्टांत, अडचणींत आशिल्लो मनीस आपल्या देवाक दोश दिता; पूण ताका स्वताच्या कर्मांतले दोश कळनात. आमी स्वताच्यो उणाव सोदून काडून तीं पयस करचीं पडटलीं. खंयचेय गजालींत जिखपाक जाय जाल्यार ह्या सगळ्या आंगांचेर लक्ष दिल्यारच जिखूंक मेळटा.
करून जाता, पयलीं करपाक जाय, यत्न देवाक वळखूंक जाय, आमी कितेंय पयलीं स्वता करपाक जाय. आमच्या जायत्या यत्नांत वांगडाक आमचो देव आसता … आनी आमचें यशूय आसता. ही भावना आमी आमच्या भितरल्या काळजांत दवरूंक जाय, अंतराच्या देवाक थंय वळखूंक जाय. पुराय काळजान यत्न केल्यार सगळें साध्य जाता. हें साध्य करपा खातीर आमी कश्ट करपाची गरज आसा. यत्नांक लागून आमचो श्रम फायद्याचो जाता.
तुमी करतात त्या कामांत एकाग्रताय आसूंक जाय, तातूंत एकवटीत जावंक शकता अशी एकाग्रताय आसूंक जाय. मोगान श्रम करप म्हणल्यार नवनिर्माणाचें काम करप. आनी हें नवनिर्माणाचें काम करपाक जाय जाल्यार आमकां फावो त्या प्रमाणांत श्रमाची गरज पडटली. ह्या सतारीच्या स्वरांतल्यान पुराय मळब श्रमांतल्यान फुलपाक जाय. पूण ‘कामाचें जिवीत म्हणल्यार भलायकेन भरिल्लें जिवीत. आमी आयज ही कल्पना ल्हवू ल्हवू विसरतात.’ अशें म्हण्टात. मनशान शारिरीक श्रम करचे पडटात. श्रमाक लागून सुख, समृद्धी आनी समाधान मेळटा. मानसीक श्रमांतल्यान क्रांती जाता. श्रमाक लागून मनशाच्या जिवितांत सुख निर्माण जाता. श्रमांतल्यान मेळिल्ले भाकरीची रुच अमृता परस गोड आसता. कश्टाची भाकरी गोड आसता. देखून श्रमाचें व्हडपण खूब पूज्य आसा.
गौरी भालचंद्र
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
